【職場熱話】人工高但不快樂 網民提議尋找生活意義

何謂快樂？有些人認為擁有物質生活，就是快樂；有些人認為只要高薪厚職，就是快樂。近日有網民於討論區發帖指，雖然每月收入達六位數字，但覺得生活並不快樂，更覺越來越寂寞。


有樓有車有老婆 收入高但工作壓力大
事主指出「人工高但不快樂」，自己於外國公司做研究工作，不經不覺已經做了13年，「由大學一年級時已經於該公司做實習，畢業後一直做到而家，由一個小小見習工程師，做到中級管理層」。事主透露每月人工達六位數字，每年都可以去其他國家開會。但最近兩、三年工作壓力越來越大，而且與家人聚少離多，覺得越來越寂寞，身體亦大不如前，很想辭職。

事主表明自己有物業，其中一層已供完。其餘供樓、供車只佔人工一少部分，生活方面不能說質素好高，但最少儲到錢同夠用，問題只在於工作壓力，「其實我都有諗過再努力啲儲錢，過幾年就去做人工較低，但壓力少的工作」。

【職場熱話】人工低但唔想走出Comfort Zone 網民：40歲先嚟轉工你會喊

網民：現實好殘酷 沒有兩全其美
不少網民留言鼓勵事主，「唔想做咪抖下，陪屋企人重要啲」、「完全休息半年去個旅行，以你嘅資歷同已經連續工作咗十幾年，半年空窗期都應該唔難揾工，加油」、「錢揾唔晒嘅。可以開間小店感受下咩叫人生先」、「試吓發展一啲興趣，保持運動習慣，對減壓有幫助」

不過，有網民建議事主尋找人生的意義，認清「殘酷現實」，「要得到一啲嘢就要放低一啲嘢，世上難有兩全其美。你現在還在此公司工作沒離去，即已衡量過得失利害作出了選擇」、「賺錢嘅工作同興趣唔會同時存在」、「人工高但唔快樂，但辭咗份工陪屋企人，陪得耐又會唔會覺得悶或者會多咗磨擦？」