【職場熱話】公司無哂同事唔肯請人 事主糾結走定唔走

許多人嚮往到大公司工作,因其薪酬福利較有保證,但香港依然有許多中小企業為就業市場提供大量職位。根據工業貿易處數字,本港時約有340,000間中小企業,聘請了全港約四成半私營機構僱員。中小企內員工數量較少,同事間連繫較緊密,但中小企卻較易受到人事變動和市場不利因素而不堪一擊。有網民早前向社交媒體專頁「奴工處」投稿,表示自己公司員工數目破新低到不能再少的地步,正在煩惱應否向現職中小企辭職。

延伸閱讀:【職場貼士】打工仔分享9大秘訣予畢業生 免墜職場陷阱

得返●個人?即睇事主分享與回應:(按圖了解)

事主:新入職一間中型公司,慢慢發現部門由本身8人縮到3人,然後而家得返2人。

事主:主要係因為工作量太多,公司生意差唔肯請人,工作做唔晒,講緊上年嘅嘢都重未做完。

事主:做到個人好力不從心,公司福利都OK,只係人工偏低加工作量大到嘔,到底應該走定留?

網民:而家已經2021年十月,仲未做得完2020啲嘢,好恐怖囉!

網民:生意差但工作量大,咩嘢公司嚟㗎?定係啲人效率低?

網民:生意差都多嘢做,生意好咪唔使收工放假?

網民:8個走咗6個都仲問,係咩概念?

網民:人工低,無士氣,見唔到希望等等。仲唔走?

網民:走,有錢無命享!

網民:淨係工作量多、成日要OT但又人工低已經要走啦!呢啲衰公司永遠只會欺壓基層員工,但高層搞出嚟嘅蘇州屎就要基層承受!

網民:佢工作量大係佢嘅事,你只係賣咗幾個鐘畀間公司。你太落力,佢哋更加覺得無必要請人。

網民:你頂到其他6位離職同事嘅工作量,就繼續做啦!公司老闆會好開心。

網民:我會留,但態度啱啱相反,十成工作只係做一成,有本事就炒我吖笨!

網民好奇事主福利點樣OK,即睇網民留言:(按圖了解)

 

網民:個福利都cover唔到工作量,咁仲叫福利好?

網民:有咩福利會可以令你無視人工低?

網民:乜嘢叫做福利好?唔通係人工偏低?

網民:人工低可以有咩福利?28日假?

網民:俾30日大假,但原來全年都請唔到假,有鬼用?

網民:包危疾保?

網民:除咗包食住可以諗之外,都應該無……

網民:福利可能包男女朋友。

 

抱有危機感 勢色不對應準備後路

生意不佳,欠缺人手,「十個煲九個蓋」,種種跡象或顯示公司運作出現問題。有網民認為,事主公司「應該好快執,隨時老細收到尾數就會走佬」,建議事主要抱有危機感,「早走早著」。另有網民提醒事主,「生意差工作量多,即係內部流程出現嚴重問題」,但卻沒有人手去想辦法解決和簡化,也顯示老闆可能無意或無力處理相關問題。

對於事主的去與留,網民幾乎一面倒支持事主儘早離開現職公司,但決定依然落在事主手中。假如事主現職公司不幸準備倒閉,事先準備後路也非一個壞的選擇。

如果出現以下六個情況,或可能代表你是時候要轉換工作環境:(按圖了解)

延伸閱讀:【轉工跳槽】老闆大材小用耽誤前程?6個你應該轉工的情況

延伸閱讀:【職場熱話】同事每日收工訊息轟炸 打工仔喊累 網民:Mute咗佢啦

延伸閱讀:【辭職學問】辭職應唔應該講真正原因?定係話私人理由?

Look out for further updates on our Facebook fan page!