【職場熱話】兼職同事變上司? 網民:有咩好比較?

如果身邊同事突然升職,彼此溝通方式需要調節,一時之間難以習慣。若然是兼職同事變成上司,情況就更加尷尬。以往視兼職同事如下屬般指派工作,突然雙方角色對調,確實令人苦惱。有網民投稿到社交媒體專頁「奴工處」,表示身邊的兼職同事突然轉為正職,職級上更比他高,令他頓生辭職念頭。

延伸閱讀:【職場熱話】新入職同事升職快過直升機 事主:教佢做完就被人炒咗

事主分享及網民回應: (按圖了解)

  •  
  • 事主:「喺呢間公司返咗7個月,公司搵咗個兼職幫我,一星期返五日工。」
    事主:「返咗約兩個月,今日收到消息,呢位兼職會轉做全職。」
    事主:「以職級計高級過我,但大家工作內容唔同,聽到消息嗰刻係即時想辭職,如果係你,會唔會辭職?」

    網民:「人地返兼職就睇唔起人?人地高級過你就辭職?做好自己先啦!」
    網民:「你都係返咗7個月咋喎,唔係7年!一開始人哋係兼職唔代表無能力,入咗職之後可能人哋做嘢好過你,有得升都升佢唔升你有幾出奇?」
    網民:「俾你揀,一個做嘢做咗7個月都麻麻,一個新嚟但做嘢ok,俾我都會問個part -time有無興趣轉full,順手得嘅升佢有乜咁出奇?你係咪應該反省吓自己呢?」
    網民:「Part-time 唔代表能力低,只係冇時間全職。飛機師都轉行揸巴士啦,咁人地本身學歷高喎,話唔定遲啲去做管理層,咁你又睇唔過眼咩?」
    網民:「唔係返得耐就係高級㗎喎,好多old seafood返十年都係嗰個位,係自以為高級過人。」
    網民:「人地返兼職就代表無學歷同無能力?」
    網民:「人地可能係老闆嘅人呢,學一陣基層嘢就上位。」
    網民:「諗人地點解忽然高級過你,不如諗下點解高級啲嗰個唔係自己。」
    網民:「咁嘅心態自己點會好過。」
    網民:「你咁樣做人都好辛苦喎,睇開啲啦。」

    其實職場上浮浮沉沉本是平常事,舊日的下屬跳槽後累積經驗,輾轉回到原公司成為管理層亦不是不可能。因此,無論職位高低,都不應該恃勢凌人。如果同事眼中你是一個樂於分享、能夠好好控制情緒、謙卑接納意見的上司,即使一日雙方角色對調,對方亦不會冷言冷語,反而能夠繼續合作,互相砥礪。

    稱職好上司會有的4項特徵:﹙按圖了解﹚

    延伸閱讀:【職場熱話】新入職同事升職快過直升機 事主:教佢做完就被人炒咗

    延伸閱讀:【職場貼士】好上司有甚麼特徵?4個稱職上司會做的事情

    延伸閱讀:【職場貼士】能力高但遲遲未升職?破解5個升職加薪迷思

    延伸閱讀:【網絡熱話】離職後約食飯無人理 網民:證明舊同事只係當你同事

    延伸閱讀:【職涯發展】邊5種員工永遠無望升職加人工?

     

    Look out for further updates on our Facebook fan page!