2019-10-29
第一日入職當然份外緊張，尤其是一眾Fresh Grad初來報到，擔心做錯、做漏、做得不夠好，總之處處憂慮。有一名畢業生在踏入職場前，在討論區徵求網民提醒第一日上班的注意事頂。歸納眾多網民的意見，以下5大注意事項一定「走唔甩」。
【職場文化】Emoji有助避免辦公室衡突 但千萬別用這4個……
5大初入職注意事項
1. 認識新同事
第一日返工未必會全認得全公司的同事的樣貌，但最少要認識自己團隊的同事及老闆。有網民指自知認路、認人特別差，擔心「轉個頭唔認得老細就大鑊」，之後有網民留言指可以自己畫一個座位表，幫助自己盡快記得所有同事。
2. 慎言
有網民送上四個字：「沉默是金」。當然不是指要在職場做啞巴，只是要慎言，「攪清楚公司啲人事關係」、「唔好為埋堆亂講嘢……小心啲同你扮到好fd好多嘢講嘅人」，不論對方是哪一個職級，都要保持禮貌。
3. 唔明就問
有網民稱人生裡最白癡的事就是「第一日返工好似乜都唔知咁，唔知廁所喺邊、唔知電腦點用、唔知影印機喺邊、唔知乜乜乜乜……全部乜都唔知。」這個情況每個人都遇過，不知道不是大問題，反而不知道而不去問才是問題！有人指導時要記下重點並主動發問，「問一兩次無人會覺得你煩，問多兩句好過做錯要人執手尾。」
4. 準時收工不用內疚
「同事唔走，我啱啱返工無耐都唔敢準時走」，不少初入職的打工仔都會面對同樣的擔心。如果真的有工作未完成則當作別論，否則要扮OT就更加苦惱。有網民指「先返得嗰幾日工，冇野做早走好正常」，離開公司之前先檢查一次自己是否已完成工作，並且向上司交代進度，「收工講Bye Bye」就會更加放心。不過有網民指自己第一天上班就已經很忙碌，需要OT 1.5小時才能完成工作。
5. 帶充電器
除了人要「叉足電」，電話也要充好電。有網友表示「返過幾份工發覺第一日最緊要帶叉電線同火牛」，不少公司都會有通訊群組，上班除了檢查電郵還要檢查群組的訊息。
【自我增值】每朝返工都提不起勁？ 4件事令你喚起精神
Look out for further updates on our Facebook fan page!
【職場熱話】新入職同事升職快過直升機 事主：教佢做完就被人炒咗
【奇怪面試經歷】見工HR查家宅 一個問題被嚇窒 打工仔︰我以為In卧底
【求職攻略】未面試已被扣分？5大求職者常犯的錯！
【職場衣著】女上司用A貨返工被同事笑 打工仔︰點踢爆佢好？