【職場熱話】同事以放工進修為由 叫其他人硬食工作 網民:讀書大哂?

不少打工仔為了獲取新知識,以及爭取晉升機會,都會邊返工邊進修。要同時應付事業與學業,就要好好分配時間。最近有網民埋怨同事以放工要上堂讀書為由,不單提早離開公司,更要其他人硬食其工作,處理「蘇州屎」,此行為令事主大為不滿。

延伸閱讀:進修機會】生產力局X Google推全球數碼培訓課程 免費學習AI應用

按圖了解同事的卸膊經歷:

打工仔大呻:「自從個同事話自己放咗工要讀書之後,每個星期都有啲日子要早走。你早走還早走,可唔可以做哂啲嘢先走呢?你做唔哂就交比我做,我就要硬食,幫佢執手尾……上星期佢扮好心同我講,話得一個電話要我幫手打。點知我一打過去,就即刻被人鬧,心諗單嘢完全唔關我事!另一日返到嚟,佢仲問我打電話打成點,做人做到咁厚臉皮?擺明留返啲蘇州屎畀我嘆啦,我嗰吓真係唔想忍佢。我串返佢轉頭,叫佢下次自己跟返,我唔會再幫佢做嘢。而家係咪讀書就大晒?唔識分配時間就quit咗份工啦。」

網民點睇?
網民A:同上司講,叫佢辭咗份工返屋企專心讀書,以後都唔使做。
網民B:讀書係好事,但係唔代表可以留低啲手尾畀人跟囉,我以前讀part time master會帶工作返屋企做。
網民C:如果啲嘢做唔晒咪聽日先做囉,而唔係卸膊畀其他人,咁大個人都無責任感。
網民D:佢好識玩,上司睇佢好上進,而你就日日OT,辦事效率好似好低咁,顯得佢技勝一籌。
網民E:咁你下次都話要去上堂,做唔晒工作要其他人幫囉,一於學佢玩嘢。
網民F:之後佢讀完書升職做埋你上司,更加無運行,勸你盡快辭職好過。

拒絕他人的訴求是較難以啟齒的事,有時候會感到不好意思,沒有勇氣Say No。在職場上,這樣做更是苦了自己,所以一定要學懂以下8招,讓自己有時間「唞一唞」。

按圖了解更多:
 

延伸閱讀:【職場熱話】25歲上司唔識管理年長下屬 應該行嚴格定溫暖路線?

延伸閱讀:【職場文化】頭腦聰明但遲遲不獲晉升?「聰明病」的5大特徵

延伸閱讀:【自我增值】另類進修「懷才不遇自救班」?$150課程惹網民熱議


【最新調查】《CTHR 2021年畢業生薪金及就業調查》結果出爐!立即下載調查報告!
 
Look out for further updates on our Facebook fan page!

Looking for jobs?