【職場熱話】同事每日收工訊息轟炸 打工仔喊累 網民:Mute咗佢啦

在工作的時候,少不免與同事有訊息來往,目的是了解工作進度或討論項目相關事宜等等。到了下班時間,除非是緊急狀況,否則都盡量不會聯絡同事,免得會打擾同事的私人時間。不過,未必每個人都是抱著這種心態。

延伸閱讀:【職場貼士】 返工似受難 每日都想辭職?4大重點助你換個態度脫苦海
延伸閱讀:【職場熱話】老闆迷信到唔畀某生肖同事一齊開會 網民:搵過份工啦

有打工仔在討論區大吐苦水,指有位同事每日都不停給自己發訊息,覺得非常困擾,網民表示:「Block掉他吧!」

點圖了解更多事主經過:

1/公司有個同事,日日返工無嘢做,成日撩我傾偈,咁都算啦,收工仲要係咁Send Message轟炸我

2/我已經不讀不回佢,佢仲要繼續Send嚟,轟炸到我覆為止,所以頂唔順Mute咗佢,第二朝瞓醒,發現有成20幾個未讀訊息

3/我心諗係因為喺公司要同你做嘢先同你寒暄兩句,你唔係以為我好想同你做朋友啊?

4/都唔知咩人嚟,你自己無朋友,唔好嚟煩我啦

5/就連星期六日都Send Message畀我,仲要唔係講公事,係問我:「今日你去邊度玩啊?」關你咩事啊?

網友回覆:
A/佢會唔會想追你?

B/Block咗佢啦

C/你有無睇《大叔的愛》?啲情況一樣

D/有啲人係咁,之前有個同事喺凌晨send 咗55個message 過嚟,仲以為有咩急事,點知係啲無聊嘢,我已經mute 足佢兩年。之後問其他同事先知,佢仲用公司email 狂send 啲女優相畀勁多男同事,但其實係無人理佢

E/你不如直接同佢講啦,乜你咁虛偽,唔鍾意人又唔講

F/咁佢至少好過嗰啲喺工作上麻煩你嘅同事嘅

G/幾好啊,多個朋友少個敵人

H/我都試過,個同事不停喺公司捉住我講佢嘅家事,好似鬧佢老公同老爺、奶奶,之後仲Send Message畀我,到凌晨1點都係。我第二日即刻同老闆求救,好彩老闆搞得掂,之後個同事唔敢再同我講嘢,早晨都無再講

I/人哋想同我哋做朋友唔一定要接受,我哋都可以拒絕!

 

延伸閱讀:【返工血淚史】打工仔朝早返工最絕望嘅一刻係… 網民:瞓醒開眼嗰吓

適可而止
在職場,你可以選擇用自己的方式與同事相處,但不要忘記同事都有自己的選擇權。無論是甚麼工作也好,都要學會職場上的禮儀,除非同事跟你相當親密,否則盡量不要在非辧公時間給他傳訊息。你或者會想,可能同事剛好忙,才沒有回覆你。其實不讀不回,就已經是最好的回答了。

返工想融入團隊,到底有甚麼方法,不如參考以下5個成為優秀Team Player的貼士!

Look out for further updates on our Facebook fan page!