【職場熱話】唔小心拎錯同事把遮 竟被要求賠償$500?

本港天氣不穩,連日來都有驟雨,打工仔每日都要帶遮返工。最近有網民在討論區發文,指自己與同事的雨傘款式相似,因此下班時不小心拿錯對方的雨傘。另一日上班時,該同事氣憤地指責事主是「偷遮賊」,更要求他賠償500元。事主不忿被當「水魚」,請教各位網民該如何處理。

延伸閱讀:【職場熱話】落雨入室內應該用遮套?網上掀兩派意見

點解要賠$500?(按圖即睇事主經歷)

事主:「我嗰把遮係黑色,同事把遮又係黑色,噚日臨走時大意無睇清楚,我就拎走咗佢把遮,因為真係好似樣。然後今朝返到去,佢見我拎住佢把遮,好激動指住我話我偷佢把遮。因為當下我都唔知自己噚日拎錯,所以我都唔知佢做咩。然後佢話把遮有標記,大家對證咗先知原來我拎錯,我嗰把就一直放喺office度。」

「咁我知自己大頭蝦都即時對佢講對唔住,但佢依然唔放過我,仲要我賠錢。因為我搞到佢噚日無遮用,所以要坐的士返屋企,屈我賠$500畀佢(的士費+洗衫費)。我認我大意係我錯,但有咩理由咁就要賠$500畀佢?賠$500當我水魚?我本身都話今日請佢食lunch補數,但貼$500我一定唔會妥協。」

網民意見:
網民A:叫佢拎張的士單同洗衣店單證明先講啦,睇死佢都無啦!

網民B:咁你真係理虧,好難bargin……除非你想同同事關係搞到好彊,一係硬食,一係送返少少嘢畀人。

網民C:賠埋條命畀佢好無?佢唔識買返把遮嘅?全世界得一把遮咩,攞錯又唔係特登,呻兩句就算啦,咁小器嘅人都有。

網民D:就算要賠,都只能迫你賠把遮嘅錢,事後發生嘅野根本唔關你事。唔通佢唔見把遮去咗打劫強姦打人,然後要賠錢畀人,咁樣又入你數咩?

網民E:睇落你同同事關係都好差,可能你都係出名唔細心,成日畀麻煩人,自己又唔覺果啲?

網民F:的士錢就咪鬼理佢,賠返把遮畀佢,再請佢食嘢算啦,睇下佢下唔下到啖氣。

網民G:賠夠兩把遮嘅錢囉,求其塞返兩三百咪算,五百真係獅子開大口,佢咁想玩大佢咪報警囉。

網民H:你應該要賠喎,大頭蝦唔係藉口,大頭蝦只證明你做事前無規劃。

網民I:無遮用就要坐的士?既然坐的士又點解要洗衫費?如果佢話自己病咗,你要唔要畀埋醫療費?

網民J:$500分明係老屈,搭的士由上水去銅鑼灣都唔使喎,真係最好交畀公司處理,如果佢認為要報警就報警。

網民K:我係樓主一定企硬,$5都唔會賠,最憎啲成日小事化大嘅同事。

大部分網民皆認為賠償$500的要求不合理,建議事主最多賠一把新雨傘及請同事吃飯致歉便可。萬一同事仍感不滿,則把事件轉告公司代為處理,再決定是否要報警。

下雨天的心情固然不好,更令人煩躁的是要面對無公德心的撐傘人士,只顧自己有沒有淋濕,將雨傘周圍亂揈,令旁人遭殃。有網民在討論區呻,「每次落雨返工都係一場考驗,返到公司成身濕晒,擔遮要考牌真係無講錯!」

5個落雨返工最令人討厭的行為,你遇過未?(按圖了解)

同場加映:下雨天返工穿搭貼士(按圖了解)

延伸閱讀:【職場熱話】打工仔投訴公司電腦慢 IT同事居然話同落雨有關?

延伸閱讀:【職場熱話】打風返工吹爛遮 打工仔遇好心人?網民:睇到好感動

延伸閱讀:【職場衣著】下雨天返工好狼狽?5個保持乾爽優雅的穿搭貼士

如果大家在職場上有不開心想發洩,或是對《勞工法例》有疑難,歡迎投稿給我們,我們會盡量解答你的問題,當打工仔的樹洞!👉 https://forms.gle/o2K2DaZWXzLFhypT7

Look out for further updates on our Facebook fan page!

Looking for jobs?