【職場熱話】唔食散水餅等於無禮貌?事主:最後畀人叫咗入房⋯

離開公司之際,要確保自己做好工作交接、推薦信(Reference letter)已經到手,及清理枱面後,就來到Last Day的指定動作—「派散水餅」。散水餅代表一份對同事感激的心意,為求做到好來好去,日後好相見。

不過,這份心意居然為平靜的職場掀起風波?在香港討論區有打工仔分享自己的經歷,指自己因為別人的散水餅而被斥責,「最後被叫了進房」。

點圖了解更多事主經歷:

延伸閱讀:【面試攻略】見工被問上一份工離職原因 6大模範答案得HR歡心
延伸閱讀:【職場英語】學會英文客套話 不再被字面誤導

事主分享:

「我真係完全唔明咩事!今個星期有位高層離職,所以佢都有派散水餅,派嘅係芝士蛋糕。

其實我本身個人唔太食芝士,嗰位高層請我食件散水芝士蛋糕,我咪同佢講我唔食芝士,不過多謝你份心意啊!當時嗰位高層無講任何嘢,我就不以為意。

點知今日我返到Office,上司無啦啦叫咗我入房,話我好無禮貌,我就一頭霧水,原來佢講緊我無拎散水餅件事,佢話唔好咁無禮貌,應該點都拎咗先,最多叫其他同事食咗佢。我心諗:『吓?我覺得我拎咗唔食,仲無禮貌囉。呢啲所謂嘅人情世故,我真係唔理解。』」

網民回應:

A/正常係要拎咗先,費事第二啲人心多,到時先處理。其實又唔關高唔高層事,就算係清潔阿姐請你食都一樣。

B/點都要拎咗先,最多畀其他同事食,下次醒目啲啦,除非嗰個係仇人,咪唔好食。

C/真係有少少無禮貌

D/佢都唔做啦,仲使唔使大家咁客氣啊?唔食咪算

E/有啲人食芝士過敏添,你可以要咗但唔食

F/無人食咪畀個樓下保安員食囉

G/出嚟做嘢係要睇人面色做人

H/我覺得無問題喎,拎咗唔食仲無禮貌,又浪費食物,係啲人奴性重啫

I/你上司都幾好,會叫你入房講

J/咁真係唔係幾好,先接受佢心意,唔食再處理。如果樓主將心比心就明,通常都要每個人食一件,如果有幾個唔食,拎住剩返嗰啲餅好尷尬

K/撇除對與錯,反而睇到上司照住你,好好珍惜

L/人哋高層嚟,點都拎返件先,跟住再睇吓點處理件餅,樓主你唔鍾意呢啲寫字樓嘅禮儀,就唔好做

將心比己 換個度思考
有網民指事主上司說得對,有時出外見客,客人有禮物送給你,即使多不喜歡也先收禮,最多是回到家中再處理,散水餅亦是同樣道理。這位網民說的不無道理,除非散水餅包含的成份會讓你過敏,甚至令你有生命危險,否則沒有必須拒絕對方的理由。加上,事主在公開場合當面拒絕高層的動作,也會讓對方感到難堪;將心比己,若果別人當面拒絕你的好意,也會覺得難過,有時想在職場存活,難免要遵守這種禮儀。

在Send Email時,有甚麼禮儀必須遵守?(點圖了解更多)

 

即睇8個工作WhatsApp嘅Dos & Don’ts:

延伸閱讀:【見工奇遇記】問職業前景卻被面試官黑面?求職者衰講多咗●●兩隻字
延伸閱讀:【見工面試】求職者常遇到的4類測試

Look out for further updates on our Facebook fan page!

Looking for jobs?