【職場熱話】嚴選公司最大鑊事件 追漏100萬單定男女關係大鑊啲?

【職場熱話】嚴選公司最大鑊事件 追漏100萬單定男女關係大鑊啲?
正所謂聖人都有錯,一生人總會在工作上犯錯,只是看事情的嚴重性,影響個人還是公司。近日有網民於討論區發帖收集意見,問於公司見過自己或同事試過做錯最大鑊的事是甚麼?最後公司損失幾多?當事人最後點?帖文惹起網民熱議,紛紛分享經歷。


公司最大鑊的3件事

累公司損失:

因為個人失誤令公司蒙受金錢損失,應該要負責任嗎?有網民分享做錯事令公司造成金錢上損失,「隔離Team嘅同事誤信假文件,借咗一億出去,最後只追得返80幾萬」、「Team Leader誤信詐騙電郵匯左幾十萬美金去假戶口,對方收到錢仲覆一句「Thank You」、「建造業電器部,有個90後訂Trunking(線糟),將米睇成條,就訂多咗30萬貨,即炒。老細話以後都唔會請90後」、「開少咗單畀海外公司,金額是一百萬港幣」、「試過走錯貨(物流)明明係歐洲,結果送咗去美洲。又或者冇用新價走貨半個月」、「主任用錯要退貨的料生產,退貨價值68萬一夜報銷」。

不過,就算未令公司損失金錢,也可能令公司運作癱瘓,「我試過誤信同事,整冧公司Server(伺服器),癱瘓公司部分運作,上司要查原因,我阿頭作故仔擺平件事,最後用兩日Recover(恢復)Server」、「一個有專業資格嘅總監級人員公然叫伙計做啲違法嘅事,事後話無講過」。

男女關係:
講到最「花生」的事,相信會是在公司搞男女關係闖出禍來,「老細和個同事搞婚外情,最後老細被調走」、「男上司溝老闆個女」、「公司經理同女下屬去荃灣時鐘酒店開房畀我撞到」、「女同事搭上已婚男上司,最後男上司老婆(即是太子女)知道咗,女同事即辭份工,但太子女反炒佢」。

尷尬癌:
在辦公室裡做錯事遺臭萬年,唔知點收科,「有同事衝唔切去廁所,全數咇咗出嚟,成泡嘢喺條褲度。除咗少數一兩人知道,公司基本上冇乜損失。該同事叫另一相熟同事幫佢落街買過條褲」、「總經理帶埋總公司高層嚟行倉,有同事除淨條底褲做嘢」、「有一次公司架Lift滿哂人,嗰時申請Q嘜保證,有個同事一路講公司咁差點做到,原來總裁喺Lift最後個角落」、「人事部用Email Send咗全公司人工同花紅的Excel給全公司所有人」。

亦有網民「細路仔唔識世界」,「細個在澳洲做兼職,多手按咗收銀櫃枱下面個掣,原來係打劫掣,過咗2分鐘左右有幾架警車趕來,成班警察衝入嚟,我畀十幾枝真槍指住」、「某電視台工作,做直播前後勤同事會準備晒所有片,開始前會Check完再Check,確保片的次序及內容沒錯。當日有個返工唔太耐的同事當值,節目開始前20秒,由準備想播片,點知按錯Delete Playlist(刪除播放清單)」。

Look out for further updates on our Facebook fan page!

Related Articles

More