【職場熱話】女上司情緒反覆難相處 事主:突然聽到佢間房有巨響⋯

自投身職場起,深信打工仔都聽過「人工包受氣」這句說話,面對被迫受氣的情況下,打工仔無奈要忍氣吞聲。若果上司是個好人,你算是個幸運兒;相反,遇上經常發脾氣的上司,上班如受罪,都過得非常痛苦。在網上討論區Dcard,有網民訴說自己的經歷,指上司情緒反覆無常,難以與其他同事相處:「突然聽到她的房間有巨響⋯」

點圖了解事主經歷:

延伸閱讀:【職場心理】「唔好意思」唔好掛口邊? 職場正確的道歉方法? 3大心法要記低
延伸閱讀:【職場英語】點樣用英語約開會? 時地人一次過教學 用SAY字都可以

事主分享:

「話說我阿姐一向都係啲比較難搞嘅人,只要有少少嘢唔合佢心意,佢就會大發雷霆。不過如果平時無乜嘢的話,其實佢份人都正正常常,仲會關心吓啲同事,請吓大家食Tea。

今日唔知清楚發生咩事,但聽講新同事做錯咗嘢,都幾大件事吓,激親阿姐,返返吓工突然聽到阿姐間房有『Boom』一聲巨響,阿姐間房個窗係磨砂玻璃嚟,望入去好似無乜嘢咁,所以都無特別理咩事。

隔咗半個鐘左右,個新同事喺房行返出嚟,見佢眼濕濕就問佢咩事。點知佢答我,『啱啱阿姐發脾氣,連部電話都掟落地。』真係黐線,我入咗嚟兩年,雖然見佢成日都發癲,但發脾氣到要掟電話,都真係第一次見。」

網民回應:

A/好想知個新人做咗啲咩,搞到你阿姐癲成咁

B/可能你同事件事真係做得好錯呢

C/個新人一定嚇死

D/睇怕個新人之後都唔會有好日子過,要做阿姐專用沙包

E/完全有同感,我返Intern個女上司都係咁,係唔係都出聲鬧,佢單身無仔無女,仲要晚晚喺公司OT到十、十一點,因為屋企無人陪佢

F/女上司,更年期,真係GG,幾時都話男上司易話為啲

G/好似劇集啲奸妃咁

H/新人到底做錯咩

與上司進行適當溝通
雖則上司發脾氣,是種壞習慣,但這也是上司表達不滿的方式,以事主上司為例,事主可以在上司處於情緒平穩的狀態,向他詢問感到不滿的原因,了解是否因為自己犯錯而觸怒上司,要是知道背後原因與自己有關,可以作針對性的改善。在職場上發脾氣,始終是不禮貌的行為,作為上司應該要好好處理自己的情緒,不將它帶到工作中、好好愛護下屬,才能夠留住人才。

應該如何與中年單身女上司相處?馬上看6個相處方式!(點圖了解更多)

 

即睇6種侮辱上司的行為:

延伸閱讀:【見工面試】返屋企等消息!究竟等幾耐先係正常?
延伸閱讀:【進修學習】決定進修前的4大要點

Look out for further updates on our Facebook fan page!

Looking for jobs?