【職場熱話】工作全部女同事好爽?男幼師:一係聽佢哋鬧男友、一係幫手做苦力…

有些工作比較多女性,有的工作比較多男性,從事這些工作的打工仔,總是埋怨職場上太多同性,沉悶之餘亦沒心機工作。不過,如果你能成為夢綠叢中一點好的一位異性同事,會是集萬千寵愛於一身,還是被勞役到不似人形呢?

有從事幼兒教師的男網民在討論區Dcard上以「有女人嘅世界就係麻煩」為題,發文分享自己在工作上的苦況,「奉勸大家搵工盡量唔好去啲多女嘅地方,成個背景就係我讀幼教 ,工作環境全部都係女人,唯獨工友大哥係麻甩佬,好多朋友都成日潤我,工作環境咁多女一定好幸福,但我想講,真係煩到癲!
 
即睇事主分享及網民回應:﹙按圖了解﹚
事主:「唔同年紀嘅女人都喺齊度,曬吓、鬧吓男朋友或老公呢啲就基本,有時仲會問吓我意見……」
事主:「ok!但係對於單身狗嚟講:『對於任何感情問題,一律建議分手。』」
事主:「之後,除咗平時當我係兵咁使,換水、搬嘢、有蚊,乜都叫我做!」
事主:「食飯仲煩,諗食咩都可以諗大半個鐘,照顧得一個又搞唔掂另一個,然後人事關係又煩,勁多是非!」
事主:「A唔鐘意B,C又唔鐘意A,有時我靜靜雞坐office都聽到唔少八卦,見證班女人前人後兩個樣,真係好鬼恐怖!」
事主:「總之有女人嘅地方真係好煩,我都係想好好哋返吓工,同小朋友玩吓啫……」
事主:「諗返起工友大哥第一日見到我返工嗰陣,畀咗個迷之微笑我,我終於明咩事,完!(依家轉工會唔會太遲?)」
網民:「工友:睇你點死!」
網民:「工友心諗:終於有人陪我啦!」
網民:「但你本身讀呢科嗰陣唔知咩?」
網民:「我公司大部分都係大叔!啲啊叔個個都當我係女咁照顧,冇乜女人嘅地方真幸福!」
網民:「我喺Media公司做,我條team得我一條仔都係咁,好難想像你成個環境都係女人會點……god bless u bro!」
網民:「師兄,入得幼教就預咗!Btw,你可以叫校長請多個男老師陪你,例如:我。」
網民:「我之前返工同事好多仔,大家都真係無所謂,好易相處,但都有一兩個老女人,佢哋勁煩。」
網民:「你咁樣應該好難識到女朋友。」
網民:「我會話你只係唔識珍惜,好過日日對住啲工程師同電腦啦!」
網民:「咁你唯一一個男仔,正常應該係萬千寵愛集一身先啱囉!好少會好似你咁辛苦……」
網民:「唔鍾意咪轉工!何必留喺一個咁嘅環境?不過可能下一份工個環境都係差……自己諗。」
網民:「呢個世界唔係男就係女啦!你選擇呢一行,要習慣呢啲人際關係啦!有時我都覺得女人講起八卦、是非,真係好討厭,所以我都聽完就算,唔會講、唔會認真。」
網民:「連我都唔鍾意成大堆女人一齊做嘢……真係好多是非!有啲又鍾意帶頭講人壞話﹙特別係大粒嘅員工﹚仲有雙面人,上次實習一個月,有個校工係咁同我呻佢幾咁辛苦,啲老師日日都笑笑口問佢幾時捨得走……拍拍膊頭,加油!」
調節心態 找尋相處方法
其實不論是男還是女,去到哪一個職場都一定有人喜歡講是非和八卦,人事關係貌似簡單的地方,暗地裡都一定有一些心病和複雜的因素,所以其實轉工未必是解決問題的最佳和首選的方法。

有網民則分享道:「呢個世界唔係男就係女啦!你選擇呢一行,要習慣呢啲人際關係啦!有時我都覺得女人講起八卦、是非,真係好討厭,所以我都聽完就算,唔會講、唔會認真。」
放開一點,聽了無感,只要沒有影響自己,其實由他們說就好了。

延伸閱讀:【另類職人】自小幫家人開雞檔 現以跳舞、演藝為生 Catry:從來冇為街巿出身而自卑!
延伸閱讀:【另類職人】凶宅清潔師見盡凶案現場 血跡未算最驚心 更試過被報夢…
延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感
延伸閱讀:【另類職人】劍擊十年 由運動員到社工 轉職感言:兩者最着重同是「溝通」
Look out for further updates on our Facebook fan page!