【職場熱話】打工仔未簽約先返工 連人工都唔知 網民:係咪做義工?

正常的招聘程序理應是僱主擬定僱傭合約,若勞資雙方同意合約條款,才讓僱員正式入職。不過最近有網民在討論區求救,表示新公司要求他返兩星期工才簽約,「HR搞好晒入職手續,但我而家連人工幾錢都未firm到」,令他質疑這個做法是否合理,引起其他打工仔討論。

延伸閱讀:【在家工作】打風需要WHF?勞工處未有指引︰僱主宜彈性處理

事主表示新公司的招聘程序真是聞所未聞,雙方已確認入職日期,但他從來未見過合約。「HR話份合約仲整緊,要我返兩個禮拜工先有得簽。我會expect簽好約先返工囉,我都係想有工返啫……」大部分網民都勸他不要就範,一定要簽完合約才開工,否則到時白白做了義工無糧出,更助長無良僱主。

網民有咩建議?(按圖了解)
 

-我係老闆就多謝你先,賺咗兩個星期便宜員工,抵啊!
-梗係唔好理佢啦,一係即刻簽約,一係等有合約嗰日先返工。無合約又無講明人工點計,到時咪任佢講?
-吓,即刻掉頭走搵第二份啦,你仲諗點同佢周旋,好等錢使?
-如果真係返工,記得每日影相留record,記低上班時間,證明你係受聘,到時萬一唔出糧就去勞工處告佢。
-萬一你呢兩星期返工出咗意外,咁工傷邊個賠?咁無保障,搵過份工啦。
-要睇你信唔信間公司,嗰時因為疫情我淨係覆咗email accept offer就返工,做咗3個月先簽約,準時出糧。
-一兩日都仲勉強OK,但返兩星期喎,一係你叫佢預支兩個月人工先囉~
-市面上有咁多工,搵過第二份啦,你咁樣做只會助長更多無良僱主,到時做義工唔好喊。

 


根據《僱傭條例》指出,僱傭合約可以書面或口頭方式訂立, 無論那一種方式,僱員的權益均受到《僱傭條例》的保障。勞工處建議僱主應盡可能與員工訂立書面僱傭合約,協助員工明白僱傭條件,以及提醒僱傭雙方合約的責任,有助減少不必要的勞資糾紛,更可保障雙方的權益。

按圖了解更多:

 

 

如果打工仔想避免「被拖糧」,以下有幾個地方需要注意︰(按圖了解)



延伸閱讀:【勞工法例】試用期內辭職7日通知?點解打工仔被HR鬧曠工?

延伸閱讀:【勞工假期】法定假8年內增至17日 最先可以放邊日?

延伸閱讀:【勞工法例】兼職不足一個月無糧出?20歲打工仔︰可唔可以追返人工?


【最新調查】《CTHR 2021年畢業生薪金及就業調查》結果出爐!立即下載調查報告!

Look out for further updates on our Facebook fan page!

Looking for jobs?