【職場熱話】打工仔遇挑剔上司 整張告示都改6次

職場上遇到挑剔上司,要求你將項目內容一改再改,又或者執著於一些無關痛癢的細節,會令下屬感覺疲累不堪。有網民投稿到社交媒體專頁「奴工處」,表示自己應上司要求在廁所張貼告示,提醒其他人注意衛生,但他張貼告示後,上司多番要求更改,令他感覺無奈。

延伸閱讀﹕【職場熱話】學會釋懷無懼老細無理取鬧 網民:你開心就好了

事主分享及網民回應﹕﹙按圖了解﹚
  事主﹕「老細話要喺廁所貼『請勿將垃圾扔入馬桶內,敬請合作』嘅紙,我足足改咗6次。」
事主﹕「仲要唔係喺電腦改6次,係我打完畀佢校對埋print埋出嚟貼埋入7格廁格做咗6次。」
事主﹕「一開始話用A5 size環保啲,跟住話啲字唔夠大要校到啲字貼邊,跟住屙完篤屎望住張紙又話睇唔到啲字用返A4 size。」
事主﹕「跟住本身得『切勿將衛生用品扔入馬桶』,之後又要加口罩、抹手紙、消毒紙巾。」
事主﹕「然後話將『切勿』兩個字改做紅色,啲衞生用品、抹手紙啲字改做藍色,最後一次係要將『切勿』兩個字校大佢……每次校對都hea我。」

網民﹕「冇叫你過埋膠先已經好好啦,唔使做呀?」
網民﹕「同事要睇,點整都睇,如果唔想睇,隻字幾大都係睇唔到。」
網民﹕「係咪OT 做?公司有冇拖糧唔出?如果冇嘅話,有咩問題?」
網民﹕「重點唔係改幾次,而係呢啲野都要proof read先至想死。」
網民﹕「跟住呢啲『唔係做大事』嘅老細,轉工啦。」
網民﹕「老細表示:『你整張咁嘅嘢要我睇六次,你要反省下你嘅工作態度,係咪唔夠細心,唔夠周到。』」
網民﹕「老細特徵:一日到黑都係一時一樣。」
網民﹕「最憎呢啲人,煩死,諗清諗楚先啦。」
網民﹕「如果份工可以畀你嘥咁多時間整啲咁嘅嘢,又唔會阻你收工,都幾好喎,又無壓力。」
網民﹕「我試過一次通告改咗11個版本都未出到街,最終佢都冇出現過。」 雖則上司麻煩又挑剔,但共事時間長,必定會留意到很多對方的缺點,與其著眼於眼前的不滿,不如用以下六條問題測試一下他是否一個好上司。如果對方的麻煩指數真的太高,就要好好考慮是否留在他手下工作了。

6條問題評估老闆好與壞﹕﹙按圖了解更多﹚

延伸閱讀﹕【職場熱話】學會釋懷無懼老細無理取鬧 網民:你開心就好了

延伸閱讀﹕【職場健康】惡上司加麻煩客內外夾攻 打工仔點紓發壓力?

延伸閱讀﹕【自我增值】應付難搞老細 首先要識「扮傻」

延伸閱讀﹕【絕世好老闆】公司總有個極品老細!6條問題即評估老闆好與壞
 
Look out for further updates on our Facebook fan page!