【職場熱話】放工先叫人做嘢 仲話唔做就唔啱規矩 網民:過咗辦公時間又啱規矩咩?

雖然每一份工作都設有辦公時間,不過又是否所有人都理解甚麼是「辦公時間」呢?很多人都忙記了辦公時間以外,就是員工的私人時間,過了辦公時間仍然騷擾別人的人,實在會令人很煩厭!

延伸閱讀:【另類職人】自小幫家人開雞檔 現以跳舞、演藝為生 Catry:從來冇為街巿出身而自卑!

讀者Dennie﹙化名﹚投稿表示,最討厭於放工後仍收到同事的電話,試過有一次,該名同事更要她完成某項工作,並教訓她,令Dennie非常不滿!

如果各位打工仔在放工後收到同事有關公事的電話,會怎樣處理呢?

 

即睇事主分享:﹙按圖了解﹚

事主:「我負責公司嘅會員通訊,每星期尾都要整一封電子報畀啲會員。」

事主:「咁呢個製作步驟都幾繁複,唔係我整完就send得,係要畀IT睇,IT再畀marketing審批,先可以出街。」

事主:「咁每個月都有唔同嘅IT同事同我夾,上星期我好早就send咗出去畀IT睇,但臨近收工都未收到佢畀marketing嘅回覆。」

事主:「所以我就打去提吓佢,不過其實唔會影響到我收工,因為我已經完成咗我要做嘅部分,只係好心打去提吓佢。」

事主:「點知呢個人勁冇禮貌,一嚟就話:『吓?我唔知你講緊乜,你講緊乜嚟?』」

事主:「然後我解釋畀佢知個流程,佢先恍然大悟:『呀!嗰個!我一陣send!』」我心諗,你鍾意啦,幾時整都得,反正我夠鐘放工了。」

事主:「收線冇耐已經六點放工,我就行去搭車。喺就嚟返到屋企時,手機突然響起。」

事主:「一聽就嗰位IT同事,佢質問我:『做咩你仲唔approve個email呀?』我話:『吓?我走咗啦喎!收咗工啦!』」

事主:「佢話:『咁你可以唔可用手機連去公司電腦去整呀?我哋趕住收工!』」

事主:「我話我冇裝某啲程式,唔可以控制到公司電腦,叫佢直接去搵marketing同事處理,同埋其實可以唔使經我都得。」

事主:「佢就一句:『吓?你唔做就唔啱規矩喎!』」

事主:「我真係勁嬲,咩唔啱規矩,明明佢其他同事都係咁做,仲有!你過咗辦公時間叫我做嘢又好啱規矩咩?」

事主:「用規矩嚟大我?明明係佢知道做漏嘢先搞到遲走,而家好似想怪我咁!我睬佢都傻,叫佢自己搵其他人解決!」

 

放工不辦公!
雖然很多打工仔都會覺得,如果不是甚麼太麻煩的事,舉手之勞的話,其實方便對方,日後大家合作都會更順利。不過,是次事件中,可能IT同事的態度才是問題所在,如果可以禮貌一點,相信大家都會願意配合。

溝通技巧很重要,每個部門都需要與不同部門的員工合作,保持客氣有禮是很重要的。如果事件中,IT同事在句子中稍為加上「唔好意思」、「麻煩你」、「唔該」的話,相信事情都可以圓滿解決。

 

延伸閱讀:【另類職人】自小幫家人開雞檔 現以跳舞、演藝為生 Catry:從來冇為街巿出身而自卑!

延伸閱讀:【另類職人】凶宅清潔師見盡凶案現場 血跡未算最驚心 更試過被報夢…

延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感

延伸閱讀:【另類職人】劍擊十年 由運動員到社工 轉職感言:兩者最着重同是「溝通」

Look out for further updates on our Facebook fan page!

Looking for jobs?