【職場熱話】有咩工作性別單一化好嚴重?網民:廚師、美容、幼稚園老師?

香港有不少工種都有性別單一化的問題,即某些工作的從業員大部分都只有女士或男士,不知道大家第一時間會想到哪些工作呢?大家辦公室的男女比例又是如何?

延伸閱讀:【職場兩性】同老公同一間公司工作 好sweet定好麻煩?

有網民在社交平台專頁「香港單身狗關注組」上發文,帶起眾網民的討論,道:「有咩工作幾乎只有男人/女人做?例如:廚師,好似係香港做咗幾廿年人,都未見過女人喺食店做廚。」不少網民都參與討論,列出各種工作之餘,更為一眾女廚師平反,還笑說發文者乃孤陋寡聞,指明明香港有很多女廚師!

即睇網民回應:(按圖了解)

網民:「幼稚園老師、多數請女人做!」

網民:「社福機構如院舍幼稚園幼兒園,好多女廚師。」

網民:「你去得餐廳少,好多西餐廳廚房都有女廚。」

網民:「女人喺茶記做廚在此!」

網民:「札鐵、釘版、落石屎就真係少見女人。」

網民:「唔好咁睇小女人,而家女性能力不比男人低,問題喺請唔請佢,巴士司機都有女人。」

網民:「以前返壽司鋪廚房大佬係女人嚟。」

網民:「美容係咪淨係女人做?」

網民:「美容真係未見過男技師,但化妝同set頭就有男師傅。」

網民:「我去過廚房做維修,見過全女班都有啦,少見多怪。」

網民:「助產士,暫時只見女不見男。揸泥頭車,機械車嗰啲,都係未見過女人做。」

網民:「男廁有清潔姐姐;女廁就無清潔伯伯。」

網民:「其實地盤同廚師好多女人做,尤其四五十歲,嗰啲捱起嚟唔會比後生仔差。」

 

既有印象
根據網民討論,不少過往大多只有男士或女士從事的工作,都慢慢出現異性,就連網民所提及的地盤工作「札鐵、釘版、落石屎就真係少見女人。」都另有網民表示:「我見過全女班釘版!」另外,亦有很多不同類型的女廚師,如西廚、茶餐廳廚師及日本壽司鋪女主管等。性別單一化的問題需仍有,但其實慢慢都有所改善。

有網民覺得其實工作不應在乎於性別,個人能力、能否勝任工作才最重要!

延伸閱讀:【職場兩性】同老公同一間公司工作 好sweet定好麻煩?

延伸閱讀:【個人理財】失業期間可以點慳錢兼增收入?8個建議你要知!

延伸閱讀:【職場文化】新女同事睇落斯文 點知發現廁板有鞋印 之後仲……

延伸閱讀:【職場熱話】排到公屋 需要工作證明 經理竟然嫌煩而拒絕?

Look out for further updates on our Facebook fan page!

Looking for jobs?