【職場熱話】未來上司或同事 原來係舊同學!大家會覺得尷尬定冇所謂?

畢業之後,與同學各散東西,不過職場說大不大,說小不小,如果大家都是同學系的同學,少不免會在工作上有碰面的機會。但如果,遇見了以前不太熟、且沒有兩句的舊同學,而對方又有機會是自己的上司時,你會怎樣做?立即放棄offer還是照做呢?

延伸閱讀:【NGO】導盲犬同治療犬有咩分別? 訓練員:治療犬嘅職責就係「玩」!

有網民在社交平台專頁「奴工處」上以「同事係舊同學?」為題分享,指:「有冇人好驚見工嗰時,你嘅未來上司或同事係你嘅舊同學?即係唔係好熟、唔friend但又叫識,特別係中、大學時期,唔實唔啱傾嘅?如果第一日返工先佑,大家會唔會即刻起身走?」

如果大家面對如此情況,會採取怎樣的態度和行動?

即睇網民回應:﹙按圖了解﹚

網民:「唏!都上世紀嘅事,人哋都未必記上心!你咪當新同事咁對人,唔好提舊事。無嘢嘅!大人嚟啦!仲咁小學雞咩?努力工作吧!」

網民:「點解要走呢?人人際遇都唔同。」

網民:「咁嘅反應唔係叫唔熟,係叫有仇!」

網民:「唔明點解要走,如果係我,我就扮唔識、扮失憶,如果佢講起舊事,咩都話唔記得。」

網民:「我同事係我同學,讀書時唔熟,但有common friend,畢業至相遇期間冇聯繫,然後我早佢3個月入職,至今13年,依家變咗好朋友,冇問題喎!」

網民:「投稿人係自卑心作祟,覺得同學做上司叻過自己,感覺尷尬咪想閃人囉。」

網民:「唔想認咪至多扮失憶囉,洗牌再嚟過。或者人哋都唔想認你。」

網民:「點解要走?太自卑?」

網民:「有仇就話要驚啫,唔啱傾咪齋講公事!」

網民:「舊同學,除非熟開,如果唔熟嘅撞返,只係街外人一個,要到再撞返合作先叫有關係。一級幾百人,冇可能個個似以前返學咁熟。」

網民:「無人care你,你亦唔需要care任何人。」

網民:「同事試過,大家都係打工,點解要走,啱傾咪打個招呼。」

網民:「大學通常都同行,工作表現太差,成個學系都會知。」

 

洗牌重來
很多網民都認為事主不用如此介懷,如果真的如事主字面所述,他與舊同學只是不相熟而非有仇的話,有網民指:「如果係我,我就扮唔識、扮失憶,如果佢講起舊事,咩都話唔記得。」、「唔想認咪至多扮失憶囉,洗牌再嚟過。或者人哋都唔想認你。」

但亦有網民分享自己的正面例子,「我同事係我同學,讀書時唔熟,但有common friend,畢業至相遇期間冇聯繫,然後我早佢3個月入職,至今13年,依家變咗好朋友,冇問題喎!」大家於在學時不相熟,未必等於工作時都不合拍,或許在學時,你們只是欠缺一個相處的機會而已,所以不妨放開一點,多給大家一個機會。

延伸閱讀:【NGO】導盲犬同治療犬有咩分別? 訓練員:治療犬嘅職責就係「玩」!

延伸閱讀:【另類職人】前啱Channel演員柔柔 由幕後到_幕前再轉做瑜伽導師

延伸閱讀:【另類職人】街巿出身空姐轉行開凍肉鋪 無暇因公司倒閉而失落:要向前行生活!

延伸閱讀:【另類職人】自小幫家人開雞檔 現以跳舞、演藝為生 Catry:從來冇為街巿出身而自卑!

延伸閱讀:【另類職人】凶宅清潔師見盡凶案現場 血跡未算最驚心 更試過被報夢…

Look out for further updates on our Facebook fan page!

Looking for jobs?