【職場熱話】求職者見工被叫落街行下先 無奈:怕我悶同被冷氣吹親 但街度熱死…

相信很多打工仔都有奇特的見工經驗,自己遲到、對方遲到、HR安排失當、面試被問奇怪問題等等。有打工仔分享一次夏天見工經驗,指自己竟被HR趕走……

延伸閱讀:【另類職人】劍擊十年 由運動員到社工 轉職感言:兩者最着重同是「溝通」

有網民在社交平台專頁「奴工處」上投稿,以「見工叫我落去行下先返」為題,指:「某次見工,但係啲阿頭遲到,理論上放我喺meeting room呆等就得,點知佢話驚我悶,吹冷氣凍親同等太耐,叫我落街行吓。我話我坐喺度等,佢都堅持趕走我,我諗住係咪meeting room冇book,點知之後啲阿頭見我嗰陣,都係用返嗰間房……大佬,嗰日三十幾度叫我落街?最近嗰個商場都要行10分鐘喎,玩我咩?」

只見文字分享都覺得熱……不知道其他網民有沒有相類似經驗?如果遇到如此情況,大家又會怎樣應對?
 
即睇網民回應:﹙按圖了解﹚
-我都試過,然後仲畀嗰個人﹙遲到兩個鐘嘅上司﹚話我,話佢哋最重視係紀律,叫得我落街等就要落街等。
-如果咁樣趕走我,呢啲情況,我會直接同佢講:「有興趣嘅話,再約過時間」然後就走,已讀不回。
-其實自己少見多怪,有好多似樣啲嘅公司都有指引,如果冇員工睇住訪客,係唔可以畀外人留喺公司的,receptionist帶你入房,預個員工會幾分鐘內見你就冇問題。
-如果係似樣啲,門口接待處應該都有位畀人坐喺度等啦!唔入房都唔係咁趕人走卦?
-根本係個經理問題,你約人上嚟in,自己又no show,咁樣畀人玩,我一定走人。我嘅時間都好寶貴,唔係淨係佢嘅時間先值錢!
-佢公司要慳電、熄燈、熄冷氣。
-世上就係有如此怪人。
-唔好上返去啦,冇誠意!
-仲見?走啦,佢嘅時間係時間,你嘅就唔係?
-我都試過second in時,喺間房度等咗一個鐘都冇人嚟,最後話個阿頭唔得閒,叫我返去先,然後約過第二日用zoom面試。
-搞到成身汗,一陣又話你儀容唔得,冇禮貌冇誠意,然後唔請。
-我都會叫佢不如約過另一個時間……
 
另約時間
夏天三十幾度,落又落街又會為自己增添汗臭,為了保持自己的儀容清潔,很多打工仔都不太想「落街行吓」,雖然已提出在meetin room中等待,可是不獲理會,而且對方已經遲到,其實可以與HR禮貌地溝通,提出另約時間或安排視像面試亦可。

你可以表明自己尊重這次面試,本已請了假,可是時間實在超出得太多,何不約過另一個時間讓大家都在準備充足的情況下進行?可是再看看對方的態度來判斷,是否再多給大家一次機會,畢竟大家的時間都寶貴。

延伸閱讀:【另類職人】劍擊十年 由運動員到社工 轉職感言:兩者最着重同是「溝通」
延伸閱讀:【轉職故事】前攝影師到老字號銀都冰室學沖奶茶 賣樽仔奶茶延續傳統
延伸閱讀:【全職爸爸】由舞蹈員到全職爸爸 試過凍水開奶、搽錯cream、仲有唔小心……
延伸閱讀:【職場戀愛】男上司同男下屬打機 情到濃時鍚咗啖 網民:快啲表白!
延伸閱讀:【職場戀愛】男上司追男下屬 結局竟然反轉? 網民:sweet過睇BL!
Look out for further updates on our Facebook fan page!