【職場熱話】被迫加入廿個公司group 員工:不停彈訊息 連Apple watch都壞埋!

新世代的工作模式是用電話多於電郵,whatsApp工作group已經常態。每一返新工,就一定有幾個工作group吧?不知道各位打工仔,被邀請加入公司工作group的最高紀錄是多少個?

延伸閱讀:【轉職故事】前攝影師到老字號銀都冰室學沖奶茶 賣樽仔奶茶延續傳統

有網民在社交平台專頁「奴工處」上投稿分享,指:「每次返新工,第一日就係咁畀人加入啲whatsApp group,咩工作小隊呀,又係八婆group,一日內畀人加20個group!有啲group大部份都係同一班人,或者冇咗個老細﹙no boss group﹚,message係咁響,有一日震到我隻Apple Watch hang埋機!如今就快last day,超期待呢日一到6點就可以喺咁leave group,byebye你條尾,正!」

不過,很多網民就指這是常態,認為被加入group總好過從未被加入group。
 
即睇網民回應:﹙按圖了解﹚
-last day 第一件事係老細踢我出group。
-第一日就畀人加入group係好事啦!當你自己友嘛!好過走嗰日都無入過group……
-雖然係煩,但做嘢始終需要埋堆。
-煩起上嚟,仲在職我都照quit!
-當日 last day,一出公司門口第一時間即刪group!
-唔成日轉工,咪唔使成日轉group囉!
-震到hang機好笑!
-直接喺設定熄咗個whatsApp通知。
-工作group有十幾個,每日放工就係秒速mute機。
-記得兩年前last day,收工未去到巴士站,已退晒所有群,差不多接近20個,不知幾爽唔使再聽老闆嘅錄音短訊!
-太多group真係好鬼煩,有時做緊嘢,邊有咁多時間覆。
-望都望人哋肯加你入group啦!冇興趣搭咀,咪求其講句早晨算囉。
 
職場必需要溝通
其實工作group是必需的,至於其他八婆是非group,正如網民所說:「雖然係煩,但做嘢始終需要埋堆。」少說話,但觀察其他人說話,從中了解不同的人際關係,清楚公司中不同的形勢,對工作上都會有一定的幫助。

若然覺得太多訊息太煩太困擾的話,其實解決方法也有很多,除了校靜音、於設定中關調訊息通知外,事主其實可以多買一部公事用的手機,將工作與生活分得更清楚,這就不會被訊息所打擾了。

事主請好好享受這一段短短的清靜時間吧,再找到工作時,又要再被add入不同的group了!

延伸閱讀:【轉職故事】前攝影師到老字號銀都冰室學沖奶茶 賣樽仔奶茶延續傳統
延伸閱讀:【全職爸爸】由舞蹈員到全職爸爸 試過凍水開奶、搽錯cream、仲有唔小心……
延伸閱讀:【讀者投稿】Sales同事一個電話就要人交嘢 打工仔爆炸:淨係服侍你一個?

延伸閱讀:【職場熱話】返新工3日知道全team同事已經遞晒信 打工仔:伏味濃?
 
Look out for further updates on our Facebook fan page!