【職場熱話】親人長期留院 賤嘴上司問點解未死 事主:祝上司〇〇〇〇

親人需長期留院並非普通人可控制,假若收到醫院電話,頓感心急如焚是人之常情。職場裏面,上司批評員工之事十常八九,但當批評期間火燒連環船,禍及親人,你又會如何反應呢?有網民早前向社交媒體專頁「奴工處」投稿,表示自己年屆過百的親人長期留院,醫院不時需要與該網民跟進病情,豈料上司對其親人作出無理評論,令他火冒三丈,「嬲到震」,而眾多網民也不齒上司言論,紛紛認為事主當時必須反擊。

延伸閱讀:【職場熱話】一人一句職場上難聽過粗口嘅說話 網民:下個升你㗎 不過…

即睇事主分享與回應:(按圖了解)

事主:最近我經常返工時收到醫院電話,因為醫院要update我年屆104歲叔公嘅近況,情況持續以年計。

事主:有日,我上司同我講:「你有無諗過係你叔公以前做得太多衰嘢,所以佢死極都死唔去?我成日聽你講呢啲電話好煩。」

事主:我嗰下好想祝我上司都長命千歲,做人好唔好唔好咁口臭?

網民:佢都應該幾長命。

網民:咁我唯有祝佢萬歲萬歲萬萬歲。

網民:呢啲人心地咁差,遲早有報應。

網民:他朝君體也相同。

網民:呢啲人真係要落地獄……

網民:正宗嫌命長。

網民:係我肯定即場大大聲插爆佢,仲要全場都聽到嗰隻,老細聽到仲好。有啲人,你沉默以為你好蝦,爆佢一次反而以後唔敢亂嚟,世上呢種人多的是。

 

攻擊家人是禁區 積口德免失面子

不少網民異口同聲表示「睇帖都火滾」,認為上司極度無禮,沒有做人應有的態度。有網民認為,上司在職場「講我本人無乜所謂,講我屋企人就點樣都忍唔落」。

以粵語粗口為例,普遍獲認定為最惡毒的說話與「老母」相關,顯示對家人作出人身攻擊是最沒禮貌的。事主上司的說話換來網民齊聲討伐,正因為他在沒有合理證據下向事主家人作出無理評論。

即使上司在職場手執權力,但不代表可以口沒遮攔,說話前應經過大腦,避開社會禁忌,積口德,積面子。有網民留言「他朝君體也相同」,假若相信天理循環,多點同理心也能積福。

延伸閱讀:【職場人際】返到公司講早晨點知被黑面?網民:禮多人不怪

延伸閱讀:【職場文化】辭職叫同事別破費搞歡送會 點知畀同事串:60件散水餅都買唔起!

延伸閱讀:【職場英語】打工仔平均每星期講55次粗口!最常用的英文鬧人字眼係……?

Look out for further updates on our Facebook fan page!