【職場熱話】辭職後發現同事都係戴假面具 網民：這是現實

所謂好來好去，不少人在辭職Last Day時，買散水餅送贈同事，以感謝同事們一直以來的關照，留下好印象。近日有網民於討論區發帖指，離職時派發散水餅，豈料同事不領情，令事主覺得心灰意冷。


【辭職學問】經濟前景有隱憂 網民問︰宜家辭職係咪好傻？

事主指出，當日買了散水餅給予所有同事，惟完全無人理他。到快將放工時，事主再向同事說再見，多謝大家一路以來的關照，並道「後會有期」。而其中一個同事竟然話「後會有期？唔好喇啩」。事主表示，聽到這番話後覺得好灰、好傷心。

事主表示自己只是一個小小員工，自問平時返工有早到無遲到，做事爽手準時交貨，有時還會幫助其他同事，「只係個人比較內向唔多出聲，真係唔明我得罪咗佢哋啲咩」。他直言辭職後才發現同事都是戴著假面具。

職場如戰場 每個人只為賺錢上位
不少網民看過帖文後都身同感受，認為職場很現實，在香港職場亦司空見慣，「乜同事都有，越Friend嘅一反臉，背後講閒話越多」、「你都唔係同事使乜同你扮嘢」、「人走茶涼」、「現實，不要太認真」、「職場唔好諗住可以有真友情」、「打份工，好多人都只係想出糧，返工唔係識朋友嘅地方，工作地方係爭上位嘅地方，少咗你等於少咗一個人爭上位，佢哋嘅人工又可以加多啲，你嘅同事不知幾開心」。

【辭職學問】遞信後留意9件事 留下好印象

同時，有網民估計事主做事馬虎，惹起同事不滿，才會這樣對待事主，「你是否做嘢好差你唔知？經常比鑊佢哋孭」、「自我反省下了，請人吃都無人吃，好自為之了」、「我覺得你應該唔覺意得罪咗佢哋，一係你做嘢其實唔係好掂，要佢哋執手尾，唔係應該唔會咁，至少請嘢食都會食，不過你平時Feel唔到佢哋唔Like你」、「你覺得自己好定人哋話你做得好？你買餅竟然冇一條友食係你個人真係有問題定你覺得全世界真係針對你一個」。