【職場熱話】返工唔俾用電話 被發現要鎖locker 網民:中學都唔會啦

每日朝九晚六,甚至有時要開OT,長期坐在同一個位置,總會有覺得沉悶的時候。暫時完成手上工作時,許多人也會在智能電話熒幕上掃一掃,看看網絡最新資訊。在事事追求電子化的年代,人人機不離手,許多公司更會透過智能電話內的程式處理公事,但竟然有公司禁止員工使用手提電話?有一名網民在網絡討論區「連登」發文,題為「返工唔俾玩電話真係好趕客」,指公司突然禁止員工玩電話,引來網民熱烈討論。

延伸閱讀:【職場熱話】覆WhatsApp唔加表情等於hea?網民:表達到個意思咪得

即睇事主分享及網民回應:(按圖了解)

事主:返咗 10個月都相安無事,上個月個office最大粒嗰個無啦啦出email話唔俾玩電話,然後每星期都出一封email叫各個team head禁止唔俾人玩,捉到要鎖locker,完全唔知搞乜鬼。呢個星期已經有3、4個人遞信,話太大壓力。2021年 office工唔俾玩電話係咪已經變咗垃圾工?

網民:小學雞咩?

網民:咁玩住iPad先。

網民:邊有office工唔俾人玩電話㗎?

網民:不如電腦都唔俾用丫。

網民: 鎖咩locker,唔鎖會點?夾硬搶走?

網民:睇咩工種,不過逼得太緊唔得。

網民:垃圾micro management公司等執笠。

網民:擺明要cut cost,出啲賤招逼人走。

網民:而家返工日常都要用到手提同其他同事傾公事。

網民:咁放工之後,公司 group 都唔可以響, 咁先公平。

智能電話促進工作效率

現時,不少辦公室均會透過WhatsApp及Signal等通訊程式加快員工間公事上的交流。有網民直指事主公司上級「好明顯係啲老高層自己唔識用嚟同客聯絡」,不能與時並進,並分享自己曾經「試過用signal拎份quotation,俾老細簽埋,但個年長同事仲等緊收fax」。

究竟事主辦公室禁用電話後,同事是如何溝通呢?事主表示:「公司出email話,非urgent請用email,urgent請用內線。」在今日的電子時代裏面,這種模式是否有效率就見仁見智,但限制使用電話卻令事主公司可能出現大逃亡的情況。

事主公司準備出現大逃亡?(按圖了解)

事主:我都準備炒間公司,所以唔理照用,替隔離Team啲中年叔叔可憐。

網民:樂觀去諗,咪俾機會你努力轉工。

事主:無錯,成條team都打算走,唔renew contract。

網民:多數人工差先多限制,因為吸引唔到有能力嘅人幫佢做嘢。

奇怪限制會令人才流失 相信員工才是上策

有網民估計,事主公司可能需要削減成本而出奇招,因為員工自然流失「唔使俾遣散費」。不過,這事件為企業帶來了奇怪限制會導致人才流失的啟示,制訂任何內部政策時應參考指令的合理程度。

另有網民認為,「呢啲公司真係自己攞黎嚟衰,正常人都知返工唔應該玩電話,可能都只係休息望幾下唞唞」。當然,僱員應盡減少在辦公時間進行私人活動,兩者應該互相尊重,才能達致友善的工作環境。

延伸閱讀:【職場熱話】放工先叫人做嘢 仲話唔做就唔啱規矩 網民:過咗辦公時間又啱規矩咩?

延伸閱讀:【職場文化】愛用全形符號、打千字文、貼長輩圖……老一輩同事Send訊息5大常見習慣

延伸閱讀:【5000元消費券】被上司要求夾份買零食 打工仔︰每人要上繳$500消費券

Look out for further updates on our Facebook fan page!