【職場熱話】返工着拖鞋、叮同事個飯食 Office禮儀你識唔識?

如果要對比清醒的時間,在辦公室的時間比在家的時間還要多,相信有不少打工仔都想追求在公司工作有在家時的舒適度,然後帶拖鞋、毛氈等回公司,營造一個家的感覺。可是,大家會否漸漸忘了在辦公室的是同事,而不是家人呢?然後不為意地忘記了Office應有的禮儀……

延伸閱讀:【另類職人】前啱Channel演員柔柔 由幕後到幕前再轉做瑜伽導師

有網民在社交平台專頁「奴工處」上投稿,以「Office禮儀究竟可以忽視到咩程度?」為題,分享道:「我office有人:1.直接拆個toner換落自己printer度用;2.返工換拖鞋,施施然發出拖鞋噠噠聲;3.食完休休閒用條脷撩住牙咁進出pantry;4.叮同事個飯嚟食唔出聲;Office究竟可以有幾癲?Office禮儀其實有冇標準?」

此話題惹起不少網民討論,還分享同事各種在辦公室的過分行為,有些更是令人嘖嘖稱奇!

 

即睇網民回應:﹙按圖了解﹚

網民:「老闆突然出現office,坐咗某同事位,講講吓嘢見有包軟糖攞咗粒放入口,一路講一路食,講完叫我哋同邊個講話佢食晒包糖,施施然離開。」

網民:「公司着拖鞋冇乜問題,個人行得衰,着咩鞋都躂躂聲。我同事癲到入經理同老細房係唔敲門直接衝入去,就算老細或經理同緊人講嘢,個同事都照講自己啲嘢唔理人。個人又污糟,倒瀉飲品叫極都唔肯抹,食完嘢包裝紙又唔丟,個位有陣縮味……」

網民:「將佢自己啲好污糟嘅垃圾,專登行到隔離部門,掉去人哋部門個垃圾桶。」

網民:「記得睇新聞見過有男同事飲人哋支人奶。」

網民:「我見過有個director食同事樽花生醬,唔係搽麵包,係用匙羹,一啖一啖咁嚟食。」

網民:「呢啲已經係人品嘅問題,好多人做office做到痴晒線咁,所以我有得揀都唔做office文職。」

網民:「我舊公司有個old seafood 都係咁,勁乞人憎,好似全公司得佢一個咁,仲要一返工就轉筆轉到頭都暈埋,又係咁噠啲筆……隻手唔郁會死咩?」

網民:「借吓借吓,啲筆唔見晒。」

網民:「見過有人喺office洗手間內洗bra。」

網民:「敷住面膜開工,喺公司打邊爐。」

網民:「去完大便唔沖,連埋啲廁紙。」

 

尊重別人 尊重自己
事主分享的第二及第三項:「2.返工換拖鞋,施施然發出拖鞋噠噠聲;3.食完休休閒用條脷撩住牙咁進出pantry」相比其他網民的分享後,似乎變得沒有甚麼大不了,因為其他網民所分享的同事行為,很多都為其他同事帶來一定程度的騷擾,例如:「喺office洗手間內洗bra。」、「去完大便唔沖。」、甚至「我見過有個director食同事樽花生醬,唔係搽麵包,係用匙羹,一啖一啖咁嚟食。」實在令人驚訝,為甚麼可以如此沒有禮貌又不要臉。

令公司舒適得似自己屋企其實並沒有錯,只不過辦公室並不是你自己一個人使用,所以要考慮自己有沒有為其他同事帶來煩麻和騷擾!尊重別人,亦是尊重自己。

延伸閱讀:【另類職人】前啱Channel演員柔柔 由幕後到幕前再轉做瑜伽導師

延伸閱讀:【另類職人】街巿出身空姐轉行開凍肉鋪 無暇因公司倒閉而失落:要向前行生活!

延伸閱讀:【另類職人】自小幫家人開雞檔 現以跳舞、演藝為生 Catry:從來冇為街巿出身而自卑!

延伸閱讀:【另類職人】凶宅清潔師見盡凶案現場 血跡未算最驚心 更試過被報夢…

延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感

延伸閱讀:【另類職人】劍擊十年 由運動員到社工 轉職感言:兩者最着重同是「溝通」

 

 

Look out for further updates on our Facebook fan page!

Looking for jobs?