【職場熱話】返工識人好過識字?網民:有人脈都係實力嘅一種

不少人都本著「肥水不流別人田」的態度,遇上甚麼好事、好處,都不會讓給外人。有人會將這種態度套用到職場上,好像遇上優差,都會想推薦給熟人。因此不少人都相信「識人好過識字」,建立良好的人際關係一定會對自己的事業發展有所幫助。

延伸閱讀:【另類職人】前香港跳繩隊運動員從教練到開學校 冀助後輩走得更遠
延伸閱讀:【見工面試】HR問「點解突然轉工」點答好?網民紛紛獻計

如果沒有人脈,只有實力,又是否代表他的事業發展會處處碰壁?近來有打工仔就在討論區訴苦,指自己出社會工作接近十年,發現就算多有實力,若果沒有人脈都很難遇上好的發展機會,由找一份好工作起,就要靠人脈。他又提到或者是社會發展令到好多行業都飽和,有實力的人多數會被利用、工作量亦比其他人高,但加的人工卻不是最多,網民對此都紛紛表達他們的意見。

點圖了解更多網民回應:

A/有人脈都係有實力嘅一種
B/我覺得做事係加數,做人係乘數。有時做80分,乘大1.2 倍就攞96分, 同樣你人脈唔好乘0.8倍就得64分。識得做事同做人,咁先可以有效率地上位。有人只係識做自己嘢,唔睇大環境,做親嘢都得罪晒成村人嘅人,成日覺得其他人唔識做嘢,其實係佢唔識做人搞到件事咁唔順利
C/組織越大越需要協調能力,唔好聽咪叫講人脈
D/其實有實力自然會有人脈,除非你人格衰到不得了
E/我覺得係運氣大於人事,而人事遠遠大於實力同勤力
F/一個人再叻都唔會識晒所有嘢,而人脈就係你能夠運用到身邊唔同範疇所有叻嘅人。人脈越高,你做嘢嘅效率就會越大,可以直接跳過好多地方走捷徑。所以喺社會一向識人好過識字。話唔重要嗰啲一定本身無乜人脈,未體驗過人脈嘅重要同方便。
G/個人覺得人脈6,實力4,要有人脈,自身都有一定嘅實力。
H/有實力就建立人脈,人脈可以用嚟認同你嘅實力,兩者相輔相成,缺一不可
I/Why not both?
J/打工都係發唔到達,唔使太上心
K/有人脈,即係你唔識做,或者做到錯晒都無事,因為你嘅人脈會幫你解決件事
L/要兩樣都有,有實力,無人脈,唔成事;有人脈,無實力,做唔長
M/禮多人不怪,謙虛喺職場好重要,識睇人眉頭眼額都係。做嘢唔使太叻,識做就得,人緣好自然會有人幫手。

 

延伸閱讀:【職場熱話】睇清熟人真面目 終於明白點解唔好同同事咁熟...

機會留給有準備的人
人脈的確是能夠為人們省卻不少麻煩,帶來不少方便與好處。不過當人脈為你帶來事業發展的機會之際,你又能否抓住機會?若果你沒有實力,只有人脈,恐怕機會會從你手中溜走。到錯過機會時,才後悔就太遲了。所以擁有實力與人脈,兩者兼備,才能使事業更上一層樓。

內向的人不可以有屬於自己的人脈?話你知能輕鬆打造職場人脈5條原則!(按圖了解)

 

 

Look out for further updates on our Facebook fan page!

Looking for jobs?