【職場熱話】離職前被指派跟新project 應接受定拒絕?網民:開咗個頭 收唔到尾!

遞了信辭職的人最無敵!但這又是否代表着遞信之後一刻就可以完全放任不再工作?你的最後一個月,就可以甚麼都不做嗎?這就看看你是不是一個不介意個人名聲的人了……不過,如果這一個月內,還被指派去做新的大project,你會接受還是拒絕呢?

延伸閱讀:【NGO】導盲犬同治療犬有咩分別? 訓練員:治療犬嘅職責就係「玩」!

有網民在社交平台專頁「奴工處」上以「最後任務」為題,分享自己於離職前六日,竟然還被指派跟進新project,「離職倒數第六日,開例會時老細係咁望住我講:『明年有新大型活動,今個星期要Draft Tender outline,搵Agency做呀!』我話:『你係同我講嗎?﹙心諗乜料呀?﹚』老細話:『係呀,你最後嘅mission!』我:『吓?但我就走,啲Agency會打電話問好多嘢,又要決定Direction同Follow up喎。』老細:『咁算啦,我自己跟……』其實離職走人完全唔想再藕斷絲連囉!ok?」

如果各位打工仔遇到上述情況,大家還怎樣處理?

即睇網民回應:﹙按圖了解﹚

網民:「真係好想睇吓!如果你接咗,打親邊個都話:『遲啲唔係我跟,唔好打畀我!』個老細點算!」 

網民:「曾經辭職後,老細先後連問三次,叫我寫份詳盡嘅工作內容指引,月頭月中月尾做啲咩、點樣做、要寫到低能嘅睇到份嘢都識得跟住做,心諗我寫就真係低能啦!直至last day都無理佢。」

網民:「同佢開咗個頭,等收唔到尾!」

網民:「咁你嗰日未走嗎,咪照:『哦』一句就得,到走時交畀人。」

網民:「臨走交個大project 畀你,真係唔驚你玩嘢!」

網民:「你咪當自己係Dr. Strange,開30條direction,multiverse,第七日就咩都唔記得喇!電話喺前公司響咋嘛!」

網民:「你應佢:『哦,好呀!』」

網民:「叫你做埋出年成個year plan 都有呀!」

網民:「咁你又唔啱,咁都唔幫手,老細咁信任你,畀我就同Agency全力跟足,做到最好,不過係記錯日期!」

網民:「老細想話畀你知,佢幾大方!你臨走都冇嫌棄你、防範你、反而珍惜你!不過一試就知道你幾咁小器,小家!」

網民:「其實你可以應承咗先,唔好一開始就推,最後佢唔搵人接手就話知佢啦!」

網民:「樓上啲留言叫人照接真係懶醒咁款,以為玩緊人,其實玩緊自己!到你真係接手,要一下子斷絕哂follow-up真係唔係易事,又要俾老細話你一獲翹起佢。臨離職唔再接新job係明哲保身之道,返工唔係為鬥氣,ok?」

 

反應兩極
有網民覺得一日未離職,都有必要去完成任內的工作項目,亦有網民認為事主不用當刻就明確拒絕,先答:「哦,好呀!」然後再於last day時交給其他同事跟進。不過又有網民覺得,「到你真係接手,要一下子斷絕哂follow-up真係唔係易事,又要俾老細話你一獲翹起佢。臨離職唔再接新job係明哲保身之道,返工唔係為鬥氣,ok?」

其實,事主可以向上司或老闆表明會有很多跟進工作,你不介意幫忙,只是為了日後的跟進工作,可否多請一位同事負責,自己則擔任協助的角色。這樣令人知道你的大體,又不怕離職後還有其他藕斷絲連的工作要做。

延伸閱讀:【NGO】導盲犬同治療犬有咩分別? 訓練員:治療犬嘅職責就係「玩」!

延伸閱讀:【另類職人】前啱Channel演員柔柔 由幕後到幕前再轉做瑜伽導師

延伸閱讀:【另類職人】街巿出身空姐轉行開凍肉鋪 無暇因公司倒閉而失落:要向前行生活!

延伸閱讀:【另類職人】自小幫家人開雞檔 現以跳舞、演藝為生 Catry:從來冇為街巿出身而自卑!

延伸閱讀:【另類職人】凶宅清潔師見盡凶案現場 血跡未算最驚心 更試過被報夢…

Look out for further updates on our Facebook fan page!

Looking for jobs?