【職場熱話】面試唔講薪酬待遇 打工仔感困惑 網民:唔使搵我啦唔該

相信曾經求職的你都會知道,面試機會得來不易,尤其是在近年疫情肆虐,要找工作就可謂難上加難。因此求職者都會為面試做好準備,盡全力爭取理想的職位。面試進行得非常順利,以為今次很大機會成功之際,Interviewer竟然對薪酬待遇隻字不提?

在討論區有求職者分享了一次特別的面試經歷,在漫長的面試中,Interviewer居然完全沒有提過薪酬待遇,網民對此感到無語,表示:「不需要聯絡我了」。

點圖了解更多事主經過:

點圖了解更多事主經過:
1/我今年24歲,從事室內設計行業,早排辭咗職,最近幾日開始Send CV周圍見工
2/其中一間嘅Interview見咗接近兩個鐘,見我嗰個係間公司嘅老闆,去到差唔多完,佢就問我有無咩想問
3/於是我就問咗一啲關於工作內容同公司營運方式嘅問題,最後當然就要問吓薪酬待遇啦
4/但係老闆居然同我講:「等你有興趣喺我哋公司返工,我哋先再傾薪酬待遇啦」
5/係唔係我唔識嘢,唔知道室內設計行業有幾複雜,我以為面試點都要講人工啦
6/完咗面試之後,行出Meeting Room,咁啱同其中一個員工對到眼,佢眼神充滿怨氣,感覺好似叫我「快啲走啦」咁
7/返去之後,我同朋友討論,我哋都覺得間公司好奇怪,懷疑佢哋嘅薪酬待遇唔理想、公司主管係自我意識好強嘅人,或者係待遇一般,但老闆覺得自己係業界良心
8/大家有無試過遇到啲咁嘅事?咁嘅公司大家覺得點

網民回應:
A/下間會更好
B/有三個可能性:一,你過唔到面試,佢想直接送你走、二,交個波畀你,要你決定做唔到,唔做就算、三,間間公司唔同,可能制定人工係老闆決定
我曾經都做過Interviewer,畀啲建議你,唔好過份解讀你見到嘅嘢,你睇嘅嘢其實都好表面
C/你應該話做啊嘛,咁聽完個人工咪知你係唔係真係做得過
D/最低工資
E/我自己做Interviewer,如果喺面試嗰陣唔提人工,即係唔係好想用你,但我想快啲完咗場面試,唔想再花時間
F/無興趣嘅話,我做咩嚟見工,你嗰陣應該反應快啲嘛
G/咁嘅公司,有咩好問,直接搵過下間,走先啦,係咁先啦
H/吓,唔係喎,你唔同我講人工,我點知我想唔想返,努力同薪酬要符合正比
I/啲老闆思想都係咁,想你而家即刻覆做定唔做,唔係之後就再畀低啲人工你,反正都會有人嚟做,多你一個唔多,少你一個唔少,請唔請到人都唔想畀高啲人工你

 

人工心理戰
不少求職者都認為,若果公司公開薪酬,在找工作的時候就會更方便。現時很多招聘廣告,都不會列明薪酬,根據BBC報導,專家說到僱主不願意這樣做的原因是,怕同一個職位,各間公司薪酬不一致,會引發行內人士的不滿,加上如果公開薪金,競爭對手就很容易挖角,所以某程度上,不公開工資是一種保護公司權益的方式。

薪酬的確是求職者Take offer與否的重要關鍵,若果想知道更詳細的資料,可以在面試詢問僱主大約的範圍,例如:「我對這份工作相當有興趣,請問你們可以提供的薪酬範圍大約是多少?」那就能禮貌地表示你對工作有興趣,同時亦能夠了解更多有關薪金的資訊。

在面試的時候,HR經常會問甚麼?點圖了解HR必問50條常見面試問題!

Look out for further updates on our Facebook fan page!

Looking for jobs?