【職場熱話】25歲上司唔識管理年長下屬 應該行嚴格定溫暖路線?

在現代化的企業眼中,年齡不是決定升遷的首要因素,一個人的能力才是最重要。因此越來越多年輕人擔任管理職位,他們同時亦面對不擅長管理年長下屬的問題。最近有一名25歲的打工仔,表示其下屬全部比她大10年以上,當他們表現得不好時,不知道應該直接訓斥還是裝作沒一回事,擔心會令他們失去面子。

延伸閱讀:【職場貼士】湊唔掂老細?拆解5種上司類型 教你見招拆招

25歲做上司有什麼煩惱?(按圖了解)


-我今年25歲,lead住幾個下屬,最後生嗰個都35歲。
-我自己唔係好嚴格,佢哋間唔中喺位玩手機我覺得無咩嘢。
-但有時粗心大意做錯嘢,叫佢改幾次都改唔好。
-未做好工作,但成日返工時間傾偈,傾到喺人哋嗰位唔捨得走。
-又唔係傾得細聲,仲要open area所有人都見到,包括我上面嘅management。
-我好怕鬧人,隔離team個阿頭成日大大聲呼喝下屬,我覺得好肉酸同侮辱。
-如果我唔話佢哋,又好似無做好管理角色。
-話佢哋又覺得人哋咁大年紀,被個細路話好無面,之後怕好難相處。
-我係可以寫衰佢appraisal,但record會留一世,之後無得升職,好似好絕咁。
-究竟我應該照柄佢哋,抑或由佢當睇唔到?

網民建議:
-睇你想營造自己咩形象啦,嚴格定溫暖型,兩者效果都唔同,無話邊套work邊套唔work。
-I know your feel ,下屬年紀大我差唔多成倍,話又話過,同你一樣咁諗,好似去鬧一個長輩咁,好難做……
-既然係下屬,理得佢幾多歲,你身為上司就係要管理,職場唔係按年紀話事,而係睇能力。
-柄人嘅最高境界係笑住柄,再間唔中請吓佢地食lunch,讚吓佢地就無嘢。
-拉佢入房單獨傾,同佢講上面已經有微言,叫佢自己執生。咁你又唔使做醜人,又可以解決到件事!
-做上司要有威嚴,搵次大庭廣眾訓斥佢,等佢哋怕你,如果唔係會一直畀佢地食住。
-上多啲management course啦,最重要明白用咩方法可以改變人嘅行為,要威嚇利誘並用,做得夠耐儲多啲經驗自然就得。 作為一個稱職的上司,無論下屬有多資深,最緊要是傾聽他們的需求,願意耐心地指導他們。只要你是有心令團隊變得更好,相信下屬們必定會體諒你。

稱職好上司會有的4項特徵:﹙按圖了解﹚


延伸閱讀:【職場熱話】打工仔狂數上司6大麻煩位 家長式管治、神經質、起同事底……

延伸閱讀:【職場無朋友】共事多年好上司 轉工後成敵人反目成仇?

延伸閱讀:【職場人際】經常無意間得罪上司同事?5個讓人聽得舒服的說話技巧


【最新調查】《CTHR 2021年畢業生薪金及就業調查》結果出爐!立即下載調查報告!
Look out for further updates on our Facebook fan page!

Looking for jobs?