【職場熱話】Admin同事被要求做埋清潔 網民分享荒誕經驗:我做會計要換廁板⋯

身兼多職的Slasher是新一代的工作趨勢,但如果可公司中身兼多職,又算不算是一個slasher呢?就如Admin要兼任清潔職務、會計要換廁板、修理電腦、IT要外出送貨等,這樣身兼多職,算不算追上了潮流?

延伸閱讀:Speed Dating定用交友App好? 最多單身職業係工程師、醫生……

有網民在社交平台專頁「奴工處」上以「我做admin但要我做埋清潔」為題投稿,分享道:「喺一間小型公司做Admin Officer,公司有清潔姐姐每星期到公司清潔兩次。老細嫌多,結果清潔姐姐每星期改為清潔一次,過多一排老細直情辭退清潔姐姐。有一日老細話我係做Admin嘅應該要做埋清潔,掃地吸塵係我應該要做嘅事,最後我決定辭職⋯⋯」

有網民表示,大公司的職務會劃清,細公司的員工傾向一人負責多個職任,更分享很多荒誕經驗⋯⋯

即睇網民回應:(按圖了解)

網民:「睬佢都傻,必走!」

網民:「老細錯咗,應該炒個admin,叫清潔姐姐做埋admin啲嘢!」

網民:「試過做會計做到換廁板、換鎖、維修手機電腦、電飯煲、節日煮餸、山竹過後執樹枝掃樹葉、跟工程同捉蛇,嗰時做院舍,唔係幫公司,係幫老人家,見到佢地開心就夠。」

網民:「細公司係咁㗎啦,你估每樣嘢都有個人或者一條team做咩, 正常過正常, 香港啲SME大部分都係咁, 見怪不怪。」

網民:「同我舊公司一樣!個老細大大聲話垃圾桶滿咗,叫我日日下晝負責揼垃圾,飲水機冇水都大大聲叫我換,鋅盤污糟都大大聲叫我抹,一啲都唔尊重文職,啲sales就惡晒!」

網民:「做過一份工,清潔姐姐可以坐埋一邊畫眉化妝,文職員工就畀阿姐叫落街買廁紙⋯⋯」

網民:「我聽返呢嘅呢單嘢,因為當時我未入職。有個男同事屙咗舊屎喺地下,因為清潔姐姐係朝早前和臨放工先嚟,所以最後係admin去執。」

網民:「有間所謂上巿嘅中資公司請IT manager,要洗杯碟、洗pantry、做receiption、仲要出街送貨。咁少嘢拎出嚟嘈?」

網民:「我公司receptionist 兼埋admin,有時都會做少少清潔,主要pantry。」

網民:「其實係少於20人嘅細公司嘅admin,兼埋HR、Account、IT等職務好平常,根本就等於大內總管,入職時應該已經知,以前我公司個admin 都要清理埋pantry 同meeting room,唔想做就辭職唔好撈!」

網民:「咦,咁啱嘅,我都係admin officer ,依家仲要大住個肚。今日因為兩位茶水姐姐唔得閒,叫我走兩個office 做清潔。不過,邊個叫我窮又貪個產假,都係要捱㗎啦,如果唔等錢使或等錢開飯住屋之類,就即走喇!」

網民:「開頭疫情勁,老細都要我一日噴幾次消毒啲手柄⋯⋯我咁多嘢做,真係睬佢都傻!利申:大公司,做又36唔做又36,無職升,人工加幅低過通帳。」

網民:「我做sales,要換光管、換水、洗廁所、外勤、送貨。」

 

大公司還是細公司?
沒想到很多網民都有身兼多職的經驗,他們都負責過與自己專業毫不相關的職務。更有網民指,「其實係少於20人嘅細公司嘅admin,兼埋HR、Account、IT等職務好平常。」意即大公司的職務分明,細公司一人身兼多職是常態。

但亦有網民感到自己的工作有意義而一介意:「試過做會計做到換廁板、換鎖、維修手機電腦、電飯煲、節日煮餸、山竹過後執樹枝掃樹葉、跟工程同捉蛇,嗰時做院舍,唔係幫公司,係幫老人家,見到佢地開心就夠。」

所以得視乎自己在工作上需要甚麼,才作出適合自己的選擇吧。

延伸閱讀:Speed Dating定用交友App好? 最多單身職業係工程師、醫生……

延伸閱讀:Speed Dating活動種類多 整蛋糕、郊遊 最受歡迎竟然係…

延伸閱讀:【時鐘酒店】新式主題爆房吸年輕人 負責人:SM、和風乜都有!

延伸閱讀:【時鐘酒店】分手嗌交、玩屎都未算衰 最驚係成床OO!

 

 

Look out for further updates on our Facebook fan page!

Looking for jobs?