【職場熱話】Fresh Grad呻返工似扯線公仔 乜都要跟公司方法做 網民勸喻:別自作聰明

正所謂「各處鄉村各處例」,不同企業都有獨特文化、工作流程,普遍都會訂立一套SOP(Standard Operating Procedure,標準作業流程)方便僱員執行。最近有一位Fresh Grad向Facebook專頁「奴工處」投稿,表示不明白為何一定要按公司方法做事,而不能用自己的一套,明明兩者同樣能達到老闆要求。他更形容自己好像上司的扯線公仔,毫無自主思考空間。

延伸閱讀:【職場貼士】新人最忌說話不經大腦 7句必定惹怒上司的發言

點解這位Fresh Grad心有不忿?(按圖了解)

事主:「我係FG新仔,老細畀咗個task我做,我用我嘅方法做到佢要求嘅目的。可能唔係最好嘅方法,都未必係老細嘅expected behaviour。但係個senior一走嚟就話我做錯,仲要喺deadline前兩個鐘先講。佢話之前咪教過我點做,仲同老細講我做咗啲咩,講到好似我做錯嘢咁,走嚟監督我收科。嗰刻我真係好想講「我無做錯」,不過我太廢忍唔住自己啲眼淚。你話我做得唔好我可以改,但係咪你講過嘅方法我就一定要跟?係咪可以屈我做錯再攞我去邀功?要100%跟足你講嘅去做?我係嚟學嘢唔係做你布偶公仔,咁無思想空間做咩你唔自己做返。我死死氣喊住改返senior要求,之後都係覺得吞唔落呢啖氣。好想去搵佢問清楚我有無做錯事,點解我咁做唔好,定抑或我太計較?」

網民意見:

網民A:我覺得你可以去問吓點解,可能對方嘅方法較適合呢間公司。建議最穩陣係先跟人哋嘅方法,做耐咗明白多啲先去慢慢改良。

網民B:少年你太年輕了,老闆鐘意啲乜你咪投其所好囉,你最需要係學做人。

網民C:佢話咁整就咁整啦,當然有佢原因,亂咁改人哋啲嘢,到時出大鑊嘢瀨晒落你度都得啊!

網民D:其實唔係要公司就你,而係你要就公司,作為一粒齒輪,點會叫成部機就你粒齒輪架嗎?

網民E:不論係咪FG,返新工都應該聽咗人哋講嘢先,你一嚟就大刀闊斧、得罪晒啲人,你幾有料都無人想理你。

網民F:有啲野唔係做到就可以咩都唔跟,公司有佢嘅既定程序,如果人人都只係以自己角度做,就無哂internal control。

網民G:新仔真係唔好自作聰明,有時真係會搞到一鑊粥!你話嚟想學嘢,先學吓同人溝通先啦!做新仔,問清楚先動手係你第一樣要學嘅嘢!

網民H:FG你無錯,senior 亦未必針對你。你以為達到結果做到嘢就得,但可能老細並唔係咁諗,有啲老細除咗結果都好重視過程。

網民I:樓主得罪講句,又係你自己講你係嚟學嘢,但學嘢又唔跟人哋嗰套去做,點叫學嘢?

正如網民所言,無論你是不是剛畢業的大學生,凡是進入新環境工作時,都應該先觀察及了解別人的做事手法,如果有疑問可以請教前輩,而不是侍住自己頭腦聰敏,自把自為。這樣不但顯得自大狂妄,某程度上也是搬石頭砸自己的腳,作繭自縛。

以下整理了5個職場新人應該學習的溝通方法,從而增加上司對自己的信任,亦讓同事更喜歡你,工作更順心。

按圖了解更多:

 

延伸閱讀:【職場貼士】因一時衝動而失言 職場新人最易後悔的6句說話

延伸閱讀:【職場熱話】新入職Fresh Grad禍從口出 直呼上司同事中文全名 背後原因係……

延伸閱讀:【網絡熱話】聽話新人先得前輩歡心?聰明、敢發表意見反而構成威脅

 

【最新調查】《CTHR 2021年畢業生薪金及就業調查》結果出爐!立即下載調查報告!

Look out for further updates on our Facebook fan page!