【職場熱話】HR突然打嚟電話面試 網民呻求職要隨傳隨到

要得到心儀的工作,除了經驗及履歷外,面試的表現也很重要。因此,不少人出席面試前都會做好資料搜集,了解公司及職位的詳情,務求以周詳的準備功夫打動對方。

但是,近日有網民投稿到社交媒體專頁「奴工處」,指自己突然收到HR電話要求即時電話面試,事前並沒有任何預約或通知,一來令他措手不及,二來亦感覺不受尊重。

延伸閱讀:【求職招聘】見工變試工 老闆仲要強調冇人工!網民:未返工但叫佢試出一日糧先!

事主情況及網民回應:(按圖了解)
事主:「騎呢面試你試過未?啲HR懶到出汁,疫情之下電話面試無可厚非,但居然完全無預約時間,晨早打電話嚟話收到你份CV,而家同你做電話面試。其實來電者有無諗過求職者唔係隨傳隨到?」

網民:「試過直頭有公司打嚟叫我即刻去見工試工,間嘢喺屯門,而我嗰刻喺銅鑼灣。我話而家唔係好方便,可唔可以約過第二個時間呀?對方即刻發難狂鬧,話唔珍惜機會點點點,仲要話我無禮貌、你媽點教你……我話:『我媽就係教我咁對你呢種人』,然後收線。」
網民:「電話面試係好正常,未疫情之前都試過,唔得閒咪同佢講唔得閒囉,再約時間,你唔識同人溝通㗎咩?」
網民:「對方具體點講好重要,如果係問『請問你方唔方便,而家或今日內做個zoom interview?』我覺得OK接受到喎,真係唔得閒咪答佢唔好意思唔得囉。」
網民:「電話面試初步篩選吓好正常!」
網民:「你唔得咪話唔得囉,你apply份工使唔使預先通知間公司先?而家啲人真係咩都鍾意投訴一餐。」
網民:「我試過朝早八點收到電話,叫我同日十一點去見,我心諗:『有冇尊重吓,或者睇吓個cv了解吓我係咪返緊工?』我話我返緊工,請唔切假,個書記仲要唔聽人講嘢,話我出面有offer就算,然後想收線。利申:我嗰行真心好難話請假就請假。」 網民的反應兩極,有人認為事前簡單的電話面試實屬平常,如果不方便可以直說,事主反應過大。但亦有人認為不少公司的面試安排的確將求職者呼之則來,揮之則去,有欠尊重。

HR各種奇怪面試方式:(按圖了解)

 
延伸閱讀:【求職招聘】見工變試工 老闆仲要強調冇人工!網民:未返工但叫佢試出一日糧先!

延伸閱讀:【見工面試】HR出各類奇怪面試 求職者︰早餐都食得唔安落

延伸閱讀:【職場文化】男女HR大不同?一個面試就可睇清各項特質

延伸閱讀:【職場熱話】乜都同HR講結果出事?見工、返工不能向HR提的6件事




 
Look out for further updates on our Facebook fan page!

Related Articles

  • 【職場熱話】公司冇廁所 三個公廁你會揀邊個?冇水、臭味、行遠啲……

    公司最困擾的是甚麼?「冇廁所」絕對是排第一位吧!解決生理需要是員工最基本的權利,公司連廁所都沒有,水都不敢多喝!這樣的工作環境,叫人怎樣投入呢?

  • 【職場測驗】對現有工作感到不滿?測試你的辭職指數有幾高

    相信每個打工仔當遇到工作不順的時候,腦海都會浮現出「不行了,我要辭職」的想法。找到一份符合自己興趣,又能夠滿足需求,獲得成就感的工作的確很難。最近有日本網站分享了一個有關辭職的心理測驗,可以憑一幅圖片測試你對現有工作有多不滿。想知道自己是真心想離職,抑或一時衝動,不妨玩玩看吧!

  • 【職場貼士】網民分享被炒警號 職場遇到咩就要諗定後路?

    上班族其中一個必備技能是察言觀色,透過觀察上司對自己的態度,可以大概掌握自己在公司的發展前景。如果與上司關係一般,亦可能從話語中發現對方態度有異。近日,有網民在網上討論區發佈帖文,分享被解僱前有何警號,原來有不少網民被辭退前都有類似的前兆。

  • 【職場兩性】女同事係男友個ex!世紀大尷尬 點處理好?

    有時世界真的很細,公司的同事可能與你有重大的關係!有女網民分享,在公司與自己挺投契的女同事,竟然是……

  • 【職場文化】不想在職場中暗箭?千萬不能相信這9種同事

    正所謂「明槍易躲,暗箭難防」,許多職場陰險小人會在背後耍手段,令打工仔無故「被辭職」。如果不想遭小人陷害,在處理公事時要留意以下9種人,盡量不要他們知道及討論重要事情,寧願自己辛苦做多一點,因為他們絕對「信唔過」!

  • 【職場熱話】新同事英文名叫Hi 一打招呼就覺好笑 網民一人一個搞笑英文名

    大家工作上有遇過一些奇奇怪怪、標奇立異的英文名嗎?特別的英文名會令人印象深刻,不過是正面的深刻還是負面的深刻,就得看你的選擇與姓氏配搭了……

  • 【面試攻略】成日問公司文化福利?00後見工最常犯的五件事

    現在求職市場競爭激烈,很多在職大學生都會應徵Intern及Part Time職位,累積更多工作經驗,為日後就業做好準備。由於他們面試經驗較少,所以在過程中不時「撞板」。有招聘專家收集了一堆意見,總結出這班00後在見工時常犯的錯誤,供大家作為參考。

  • 【職場熱話】勞力工定office工辛苦啲? PR:坐office都好唔輕鬆…

    勞力工作較辛苦還是office工作辛苦?可能很多人都會覺得一定是勞力工作較為辛苦,日曬雨淋,工作環境危險;office工作常常可以在室內有冷氣的環境工作,還喊甚麼辛苦?

  • 【職場貼士】能力再好都無用!9種被上司負評的行為

    返工除了講求實力,在待人處事方面也有很多需要注意的地方。即使是一件小事,也有機會在同事心中留下一個負面印象。以下有9個行為,極容易招來上司負評,隨時對職業生涯造成無法挽回的錯誤行為,大家絕對不能忽視。

  • 【網絡熱話】寵物迎接回家、家人煮好飯……打工仔10個放工後的小確幸

    都市人工作壓力大,又要經常OT,逗留在公司的時間隨時多過在家中,下班後的私人時間顯得難能可貴。工作雖然辛苦,但生活中總有小確幸會令打工仔會心微笑,排解負面情緒。最近有網民發起「一人一件放工返屋企最幸福嘅小事」討論,分享放工後最期待的幸福時刻,你有共鳴嗎?