【職場選擇題】老細要求交炒人List 兩個同事二揀一 你會點揀?

「疫」境之下,被突然解僱固然會感到迷惘。但若被委以重任,需向老闆交出殘酷的「炒人List」,亦同樣令人傷腦筋。有打工仔於討論區發帖文,跟一眾網民探討應如何做出抉擇:「公司通知部門下屬要開除一人,A定B?A:努力、少遲到,但做事唔夠細心;B:有點懶,一星期最少遲到一次,但做事較細心」。換轉是你,你會如何選擇?

延伸閱讀:【自我增值】被炒員工提問的4個問題 HR應該怎樣回答

A同事有得留低

帖文引來不少網民留言,大部分都表示會選擇解僱B同事。有人詳細分析兩個同事的工作心態:「一定係A(留低)。B細心但懶,識做佢都唔肯做,益唔到你…分析後竟找不到任何B的好處。而A得出來結論,竟然是無壞處」。到底A、B兩位同事各自有甚麼好處和壞處?網民就認為A不但勤力,他的「蠢」更可顯得事主更聰明。基於揀下屬應「揀聽話為主,叻為次要」的原則,認為B雖然細心,但懶惰、「不是好人」、「練精學懶」、「養唔熟」。

不必二揀一
除了A、B心態分析,亦有人認為根本不必二揀一:「炒晒兩個,揾返個又唔遲到、做事又細心(的員工)。反正呢個市道是『人求工』」、「我會兩個炒晒,再用更低價錢,請個更好的」。

延伸閱讀:【辭職學問】單親媽險被炒 女同事睇唔過眼代離職

齊上齊落可行嗎?

相反,有人就認為在這時勢,應該兩者皆留下:「啱用不如建議成Team 3人連自己都減薪,齊上齊落」。這種看法隨即受到批評:「齊齊減人工,咪大家都無士氣。兩個炒一個,雖然可惜,但都要決擇」。

Look out for further updates on our Facebook fan page!

Looking for jobs?