職場8件一早明白、最好不明的事

世界上唔會再有任何一個人比你更明白你自己。

「你唔明架喇，德少。」在新仔面前算老練世故，但在高層面前卻又裝作一臉惘然的同事W，不待我正面回應，就搶白說︰「你明唔明呀？」

無論是位高權重的高層，還是不知民間疾苦的新仔，都總是認為人地唔明，然後期望人地明白。

打工這麼多年，正不正常的老闆和同事都見識過下，以下8件事卻一直搞不明白︰

1/ 既然預設我唔明，我唔明點解閣下又捉著我說這麼多？
2/ 既然真的討厭是是非非，我唔明為甚麼竟又以為可以藉著「說人是非」的方式去停止是非流言的散播？
3/ 既然這麼諸多不滿，滿肚牢騷，要麼死忍，要麼就走，我唔明為甚麼忍不到卻又賴死不走？
4/ 既然相信自己的才華值得欣賞，我唔明為甚麼又為著他人的漠視而自卑？豈非長他人志氣，滅自己威風。
5/ 既然認為道理在自己這邊，我唔明為甚麼要鵪鶉般忍氣吞聲、埋沒良心。
6/ 既然有能耐吞聲忍氣，我唔明為甚麼不敢向委屈說不？
7/ 既然做得不開心，我即使明白為甚麼要磋跎下去，亦無可能明白為甚麼不可以在沉悶中，找些令人滿足快樂的亮點？
8/ 既然心裡切切實實有想做的事、想追尋的目標，我唔明為甚麼不勇往直前去追？

「不過你都係唔明。」Well，W還不肯罷休。

我不敢誇下海口，說甚麼「我明白」這類謊話廢話。只能夠一直提醒自己，無論如何，千萬別墮入奢求他人完全明白的孤島裡。

小弟只能兜個大圈，吐出一句︰「世界上唔會再有任何一個人比你更明白你自己。」

完。

延伸閱讀︰
- 新工人工低過而家，走不走？

- 畀次機會呀，老細……

- 辭職問邊個？

- 你想自己走？定我炒你？

- 老闆都是方丈來的（得罪方丈7事）

上載日期︰2015年5月11日