【職涯抉擇】畢業從未轉工VS每三年轉工一次 打工仔會點揀?

現世代的年輕人喜歡做slash打幾份散工,又或者每幾年就轉換一次新工作,已經甚少人能夠一份工做到老,有時就算有做到老的決心,公司亦可能因意外而倒閉……種種因素都會影響大家的職業生涯。不過,撇除意外的因素,各位打工仔覺得畢業從未轉工,還是每兩三年轉工一次比較好呢?

延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感

有打工仔在網上分享,覺得自己的上司有點離地與奇怪,好像總是活在自己的世界中,明明年紀不算大,卻有點脫節之感,後來得知,原來其上司由畢業後便從沒離開過這公司……「初初都覺得冇乜嘢,工作上佢好熟呢度嘅人事同公司架構,不過有時閒聊同埋brain storm 一啲新project,佢硬係好似狀況外咁。眼界好board咁,之後先知佢原來畢業之後都冇離開過公司,所以完全唔知其他同行或者其他公司係點運作,有時覺得佢幾天真,但到佢認叻時,又覺得佢幾井底……」

事主分享後,從而帶出「畢業從未轉工VS每三年轉工一次」的討論話題,不知道打工仔又會點揀?
 
即睇網民回應:﹙按圖了解﹚
-我覺得畢業之後唔轉工其實都有好處,事主都講個上司對公司架構同人事都好熟悉,咁都幾方便做嘢。如果公司有前景,咁都幾好呀!
-我畢業之後都喺一間公司做咗7年,本身都有心一直做落去,但之後被公司裁員。搵過第二份工先知,原來個世界可以咁大,同行都有好多唔同做法同變化!
-我覺得每三年轉一次工,對個人成長會好啲,我公司都有啲阿姐係冇轉過工,喺公司出世咁,但我哋幾個下屬就個個都做過唔同公司,我覺得喺唔同公司做過,知道各公司做法,諗嘢都會靈活啲;相反我阿姐,諗嘢就只規範喺呢間公司,正如事主所講,眼界好board。
-一份工做到老都幾好呀,如果有晉升機會,穩穩定定年年升職做高層。成日要適應新環境真係好攰。
-有時有啲褔利,好似AL、長期服務獎,都係要你累積先會有,其實一份工做到老都唔錯呀,最緊要做得開心啫!
-我鍾意新鮮感,後生時可以每三年轉一次工,了解自己鍾意嘅返工模式,然後到三十幾歲想定落嚟時,就可以做長啲,咁就最理想了!
-一份工可以由畢業做到老就好囉,最怕係你想喺度終老,但係公司炒你又或者執笠,你之後出嚟都唔知搵乜工好。
-每三年轉一次工,加人工個升幅會快啲!喺同一間公司做,頂盡每年加2%至3%,但一轉工,可以加幾千!
-我覺得兩樣都冇所謂,最緊要睇吓自己喺工作上有冇成功感、滿足感同做得開唔開心。
-做死一份工,啲人會話你唔敢跳出comfort zone,但我覺得好地地做乜要跳出comfort zone呢?令自己唔舒服就開心啲咩?
-每三年轉一次工,你想build up都build唔到啦!睇你想唔想發展自己事業啫!
找到適合自己的工作模式
雖然網民反應兩極,但各有道理,有的認為不轉工都有其優勢,「對公司架構同人事都好熟悉,咁都幾方便做嘢。」不過都有網民指沒有轉過工的同事:「諗嘢就只規範喺呢間公司,正如事主所講,眼界好board。」

不過就算如此,每兩三年轉一次工就比較好嗎?有網民表示:「對個人成長會好啲,喺唔同公司做過,知道各公司做法,諗嘢都會靈活啲。」、「加人工個升幅會快啲!喺同一間公司做,頂盡每年加2%至3%,但一轉工,可以加幾千!」但有網民則表示:「每三年轉一次工,你想build up都build唔到啦!睇你想唔想發展自己事業啫!」
所以,其實都是看你能否遇到有前景的工作、工作上有沒有成功感及你追求新鮮感還是想穩定發展自己的工作。大家又會如何抉擇?

延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感
延伸閱讀:【另類職人】劍擊十年 由運動員到社工 轉職感言:兩者最着重同是「溝通」
延伸閱讀:【轉職故事】前攝影師到老字號銀都冰室學沖奶茶 賣樽仔奶茶延續傳統
延伸閱讀:【全職爸爸】由舞蹈員到全職爸爸 試過凍水開奶、搽錯cream、仲有唔小心……
延伸閱讀:【職場戀愛】男上司同男下屬打機 情到濃時鍚咗啖 網民:快啲表白!

延伸閱讀:【職場戀愛】男上司追男下屬 結局竟然反轉? 網民:sweet過睇BL!
 
Look out for further updates on our Facebook fan page!