【自我增值】單身女月使$1.7萬好誇張?3個儲錢必勝法

量入為出、應使則使,談何容易。在網購愈來愈方便的世代,定力稍為薄弱一點,便會愈買愈多。有單身女性上班族於討論區發帖文,表示自己每月使費約$17,000,並問網民:「算唔算多?」。

延伸閱讀:【自我增值】慳錢可以慳到買到樓?節儉網民分享儲錢心得

衣食住行每項都昂貴

事主將每月支出逐項列出:「買衫、袋、鞋和做Facial約$7,000;朋友食飯$4,000(呢排去少咗);返工食飯搭車$3,500;其他雜項$2,500」。以一個投身社會數年的單身女性來說,不少網民認為事主支出多得誇張:「如果月入$20,000,使$17,000,咁就真係慳啲使。人無話一份工作可以做到老,選擇可以慳就儲吓錢,萬一無咗份工,你都可以有錢頂下,不至於到時連粉底都無錢買」、「你只適合自己生活,千萬不要成家,更不要結婚生仔。你自己都唔知養唔養到自己,第二日失業或退休,就好可能手停口停……」。

大使與否視乎收入
有網民則認為,大使與否,視乎打工仔月入多少:「多不多,視乎你揾幾多,佔收入的百份比」、「剛出嚟做嘢,總有啲置裝費要使,主要都係睇係咪必須」。有人認為事主的飲食費用實在太誇張:「午餐$100同晚餐$200,應該算叫日日食好嘢了」。有人更為事主的收入與支出作出調配建議:「正確收入與支出…分配!三份一儲蓄,三份一家用,三份一消費!你$17,000支出…月薪應該要有$51,000!」。

延伸閱讀:【儲蓄理財】別再祈求一夜暴富!

3個儲錢必勝法
1. 記錄開支

不少人只顧每月目標儲蓄金額,卻一邊儲錢,一邊叫苦連天。其實,只要記錄每日開支,即可對自己的消費模式有更深入了解,在儲下一定金額後,便可定期計算自己每月剩下多少錢可花費,既買到心頭好,同時好好理財。

2. 斷捨離
定期檢視自己所擁有的物品,能讓自己知道,近期將金錢花費在哪些有用或無用的物品上。習慣每季來一次大掃除,除了可令自己以後消費更理性,更可令房間煥然一新,整齊有序。

3. 每月小奬勵
一直只顧儲錢,刻薄自己,不能滿足物慾,很容易會造成反彈,最終「一舖清袋」,做出不理性消費。每月如果達到目標儲蓄金額,而又剩下多餘的金錢,不防給自己買一件小禮物,好好奬勵自己,滿足「購物癮」。

Look out for further updates on our Facebook fan page!