comScoreTag
FancyBox
FancyBox

人際八卦

萬用笑料Generator(公、私適用)


賈心潔



laughter generator
下,咁都唔好笑?你個笑點有無咁高呀?

「笑死我!真係笑死我喇!」P是我的舊上司,現在變成朋友,天生性格瀟灑不群,再難堪的事情經他過一過濾,都變成笑料。我最鍾意跟他有的沒的纏著無聊對話,尤其是返工返到火紅火綠,邊玩邊做有助平衡心理。「佢地頭先好熱烈地勁ban我啲橋,全軍覆沒。當時焗住忍笑,谷到我呢!」

「個haha point喺邊呢請問?」在P面前,我是低能兒,抵死的。

「下,咁都唔好笑?你個笑點有無咁高呀?」他將對我的歧視簡化成言語。

見我沒反應,開始接納等如關懷,說︰「拿,你諗下,當你隨便throw啲垃圾ideas出嚟,而竟然有班人熱烈討論,絞盡腦汁地ban你啲垃圾,不遺餘力地墊高自己嘅個人存在價值……哈哈哈!」

蠱惑的事還多著呢!而且層出不窮,鑊鑊新奇鑊鑊甘。其實P在他公司的處境,常人是絕對笑不出的,不過他卻認為極具挑戰性,因而命名為「幽默感Generator」,並沾沾自喜。

記得N年前,未戒奶的我向他呻工作阻滯,客戶難湊、工作悶蛋、同事催三催四是非當人情……他令我無地自容︰「煩氣呀!你呻咩啫,呢啲事人人都面對緊,諗下都悶,你好意思講出嚟嘅?知唔知醜呢賈大小姐?你講嘢可唔可以有質素啲?不過又好笑,我又會理你嘅!」

當「呢啲事人人都面對緊」還在我腦裡LOADING……他再質一句︰「一係你就咪做,要做就咪呻。你自己攞嚟煩呀。無人可憐你。人地催係人地嘅事,有咩比皇帝唔急太監急更令阿皇帝自我感覺良好呢?」

從那時候開始,我的笑點跌破新低,其後一直插水。

延伸閱讀︰
- x前要做的事

- 忙都要放假、忙先至要放假

- 吞咗啖氣得啖笑 – 同事7笑位

- 將辦公屎朱古力味化

- 10個一問就很豬的「點解」

上載日期︰2013年8月30日


讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email