【見工面試】有Offer反而好勞氣？全因個腦細講咗句......

延伸閱讀：【見工面試】面試前收到另一Job Offer 一招決定是否繼續見工

應徵者需要時間考慮　僱主：我無咁得閒
事主憶述見工經歷：「有次見工，個老細即時問我做唔做。我話想考慮下，聽日之內答佢。佢話：『吓，我無咁得閒等你答覆，而家係我揀人，唔係你揀我……』」。事主表示覺得這位僱主「好奇怪」，故對工作卻步。

由短短一句說話，已可看出僱主如何對待員工。網民認為有鑑於僱主的談吐，即可決定拒絕Offer：「可以走得」、「唔做啦！咁講嘢嘅」、「真係好高興佢見工時已對人咁真誠，費事浪費彼此時間」。

僱主自視過高　惹人討厭
不少打工仔留言，表示為事主感到不值，紛紛批評他的態度：「好大嘅官威」、「咁叻咪自己做埋佢囉，使乜請人呀，腦細！」、「唔做！呢啲老細咁自我，日後都唔會體諒下屬」。有人指出，見工面試本應是雙向的選擇過程：「佢已經錯啦。Interview個"inter"係有雙向嘅意思。e.g. interactive、internet。僱員揀僱主，僱主揀僱員，平權，唔係乜嘢叫做reject offer」、「大家平等架喎，你揀人時，我亦揀緊工作」。

延伸閱讀：【見工面試】戴住口罩見工注定Fail？疫情期間留意3面試技巧

霸氣回應建議
有網民更提議事主應這樣回應該名僱主：「咁你揀第二個啦」、「同佢講，做，加多$2K囉」、「大家咁話！跟住轉頭，拜拜都唔講，直接走人」、「可以即刻答唔做， 完！」、「直接答佢：哦，咁你揾下一個啦」。