comScoreTag
FancyBox
FancyBox

Workplace Gossip

講錯一句,被唱一世


董德少



party dinner dos n donts
大庭廣眾,要做甚麼,不要做甚麼,這麼大個人,要有分寸。否則,被人笑死亦唔抵可憐。

「德少你唔記得咗?上年呢,Annual Dinner嗰晚,同事P飲大咗鬧老細,老闆黑面黑到第二年。」秘書小姐例牌煞有介事地問我今年「Annual癲拿」的坐位安排,然後又提起各人咸豐年前的醜聞。

「唔撈咪唔撈囉!而家係我炒你,唔係你炒我!」「我有咩唔及x?點解咁咁咁對我……」「你愛唔愛我?點解你愛佢唔愛我……」「我無醉,唔使扶。我行條直線俾你睇!」秘書一輪嘴,我以為她要考中史,平時開會記Minute還不發覺她的記性好到這個程度。

我們尚且偶爾看自己不順眼,更何況其他人?有人就有是非吧!「嘩!都n咁多年咯,無嘢卦!」如同種種谷埋谷埋良久的心底話,此話一出,就發覺——一說出來就是錯。換來一片死寂,沒人敢搭嘴,亦沒人搭得上嘴。

一言驚醒夢中人,對對對,此種酒後吐的真言,絕對是會被記一世、唱一世的。雖然大家口口聲聲「唔係介意呀嘛?」「唔係唔玩得呀嘛?」別天真豬真的以為嘻哈兩聲圍威喂就沒事。畢竟同事就是同事,並非相識十幾廿年的甲乙丙,一句「佢係咁」就胡扯過去。

「今年唔准開酒。」我下命令,費事大家再出醜。

「車!你前幾年夠係咁講啦,德少。」秘書果然是秘書。「咁今年癲拿前倒數一星期,幫我出份Memo。」

一年一度公司盛宴,各同事務必︰

1/ 以「灌水」的方式喝酒,不醉無歸,否則難以一吐怨氣
2/ 多搞小圈子,一於將「唔關事」的同事摒除
3/ 是非要大聲講,尤其關於管埋層的,好讓一眾老闆高層以作警惕,從善如流
4/ 嚴禁不在facebook「打卡」,大會指定caption為「公司上下打成一片,星光熠熠,樂也融融~」
5/ 盡情恥笑一直以來看不過眼的膠人膠事,將全場氣氛帶到高潮

明知愈叫你「唔好」,你愈偏偏要做!大庭廣眾,要做甚麼,不要做甚麼,這麼大個人,要有分寸。否則,被人笑死亦唔抵可憐。

延伸閱讀︰
- 辦公室,有沒有朋友?

- 客戶不比茶水阿姐尊貴

- 牆頭草Everywhere

- 詐型有鬼用!

- 「正義之鬧」與「為鬧而鬧」

上載日期︰2013年12月23日


讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email