識捉精靈,無理由唔識搵工

文:CTgoodjobs編輯部

「捉小精靈就咁落力,搵工又唔見你咁神心?!」偉大母親們最新嘅口頭襌可能係「少少煩,唔多趣」,不過又錯唔晒喎!捉精靈同搵工呢兩回事,的確唔使同大纜都可以扯得埋。嗱!以下6個小秘技,參唔參得透就要睇閣下嘅道行喇!

1/ 先配對,後出戰
打道館用屬性剋制精靈是常識吧!斷唔會用噴火龍打水箭龜,然後大叫「典解輸嘅?典解嘅?」

搵工一樣,求職者應根據自己嘅學歷、經驗去搵適合嘅工種,就好似醫科生搵醫療業嘅工,而非自己唔擅長嘅會計lol。

唔好話小編唔教你:做到館主即按「Shop」右上角個盾,10個金幣(Pokecoins)同500個Stardust就袋袋平安。留意番,每21個鐘先可以拎一次啊。

2/ 做足準備先出手
進化小精靈會獲得大量Exp,配上Lucky Egg嘅雙倍Exp效果,升呢自然事半功倍。此外,訓練員除咗要開Lucky Egg,亦要預先儲存大量進化所需嘅糖果,以達致最大Exp。

打機都要做咁多預備工夫,你唔係諗住見工唔使呀嘛?面試前足資料搜集,就算落場畀面試官挑機,一樣可以應付自如。

唔好話小編收收埋埋:蛋蛋進化椰樹獸是特別多Exp的(好似係)。

3/ 唔好齋睇表面
大部分人會以CP值判斷小精靈嘅去留,一字記之曰:膚淺。Max CP值係以小精靈嘅完美度(IV)去判斷,完美度愈高,小精靈嘅Max CP值就愈高。

同樣道理,判斷一份工究竟做唔做得過,除咗睇份糧之外仲要將假期、福利花紅、晉升機會、學習機會、興趣等一併列入考慮範圍,價位唔到,亦有其他「揸拿」。

唔好話小編唔教你睇IV:網上有好多App同網頁幫你計,由於成日都畀人ban,所以小編都唔敢喺到隨便開名,問Google神吧。

4/ 擴大範圍
大部分人都喺自己屋企同工作地區捉小精靈,然後成日呻淨喺得公廁蝠捉。眼紅其他訓練員有啟暴龍、卡比獸,但就從來無諗過人地花咗幾多個晚上,去過多少個唔熟悉嘅公園集訓。

留意番,遊戲目的係要訓練員出走comfort zone,先可以捉齊所有精靈;搵工亦須要離開自己嘅「鵪鶉zone」。建議先強化可轉移技能,繼而嘗試喺唔同行業搵合適自己嘅工作。

唔好話小編唔講邊到有好嘢捉:香港區-維園、貝沙灣;九龍區:摩士公園、荔枝角公園;新界區:天水圍公園、屯門公園。

5/ 包裝自己
唔少訓練員都唔捨得用Lure Module同Incense,又唔去計劃幾時用,就算畀你見到Sightings有超夢夢,都引唔到佢埋身啦。

正如搵工都要喺CV落啲吸引HR嘅關鍵字,如果唔係就連「你返屋企等消息」呢句都無機會聽到。

唔好話小編唔教精你:搵日約埋三五知己,食飽飯帶埋幾罐「鬼佬涼荼」去大型公園一齊開Lure Module同Incense,一路吹水,一路mon住有咩捉。

6/ 唔主動出撃,都至少隨時準備好
永遠唔會知神寵幾時喺你身邊出現,所以先要成日開住個App免得自己走漏眼。

一樣啦,下一份筍工幾時出現,who knows?打工仔可以做嘅就係定期更新CV,當機會嚟嘅時候,你就可以大叫一聲「飛雲,我嚟喇!」。

唔好話小編唔提你:出街記住帶齊外置叉電器、叉電線(經常遇到有尿袋無線嘅訓練員)、紅色cap帽一頂,有助提高捉小精靈機率(好似係)。

延伸閱讀︰

-【小薯求生包】Email潛規則6個

-日夜無間做 打工仔過勞症狀Checklist

-Pokémon GO癱瘓辦公室 你屬於哪種人?

- 返工追求開心好幼稚嗎咩?

- 10大騎呢扮工活動

上載日期:2016年8月11日


Look out for further updates on our Facebook fan page!

Related Articles

  • 【搵工秘訣】求職者被壓價呻笨 接Offer考慮4個因素

    【晴報專訊】不少人搵工最關心薪金及福利,但有網民表示,大部分招聘廣告都無寫明人工,經面試後才知薪酬不及期望,甚至多次被人壓價。

  • 【職場熱話】衰老細5大行為 邊樣最討你厭?

    相信不少打工仔都認同如果遇到好上司,團隊的士氣及工作生產力都會相對提高。

  • 【面試技巧】見工熱門必問 6招妙答「離職原因」

    於眾多見工面試的常見問題之中,不少求職者都認為「離職原因」最難應對,最普通的答案不外乎是「希望事業上有新突破、新挑戰」之類,然而HR卻並不滿足於這個答覆。

  • 【求職攻略】換湯不換藥 面試4大「無得輸」法則

    搵工面試的問題及形式層出不窮,然而HR的最終目標其實都只為考核求職者的領導力、人際技巧、組織與邏輯等「老本」。

  • 【職場熱話】「你唔啱!你錯!我最叻」 同事愛認叻神憎鬼厭

    「總有一個認叻同事喺左近」,打工仔返工少不免要與同事相處,但如果與同事相處不來,可能會影響心情。近日就有網民指公司有個鍾意認叻的同事,十分難頂。

  • 【職場熱話】4個暗示 表示同事開始不喜歡你

    職場如戰場,權力鬥爭昏暗,正如宮廷劇般心計四起,要和每一位同事打好交道更是不容易的事,要怎樣才知道自己是不是暗中被討厭,以下有4個提示幫到你:

  • 【職場熱話】大而無用?打工仔力數「老屎忽」5宗罪

    不論你是剛踏入社會的「職場小薯」,或是已經身經百戰打滾多年的打工仔,相信都總會感受過「老屎忽」的存在是何等令人討厭。

  • 【職場熱話】被「炒魷」後易衝動 8件事唔做得

    突然被解僱,可能會產生很多負面情緒,做出魯莽的行為。以下就有八個被解僱後不該做的事情,有助你渡過這段艱難時期。

  • 【見工秘笈】留意面試官的說話 聽到呢5句代表…

    來到暑假,又是一眾學生和畢業生揾工的旺季。要成功獲得一份理想的工作,少不免要先「過五關、斬六將」,經過筆試和面試的多重關卡。如果想知道自己在一場面試中的勝算有多少,就要留意面試官的每一句說話,如果聽到以下5句說話,你大概是不會被取錄了…

  • 【職場熱話】公司減飯鐘打工仔嬲爆 原因令人費解

    打工仔日忙夜忙,放Lunch可以說是相當重要的休息時間,然而最近有網民於討論區發文,指公司新政變相扣減飯鐘,令同事大感不滿。