打工仔每日的生活就是返工、迫車、工作忙到快要沒命、放工、休息，然後又再開始這一個循環，周而復始。有時難免會思考，這樣是為了甚麼呢？還記得初初畢業，那個充滿幹勁的自己嗎？從何時起會變成這個將工作視為機械工作人呢？原因又是甚麼？
延伸閱讀：【職場熱話】第四波疫情又急又勁 員工：竟然都唔WFH
讀者Yan（化名）投稿，指自己在一間影片製作公司擔任內容創作編輯，她表示自己是積極且對工作有熱誠的員工，她喜歡參與創作的過程，每次看到影片成品都會很有成功感，她很喜歡自己的工作。
然而，最近公司新的管理層上任，不斷增加各同事的工作量，令Yan漸漸覺得吃不消，想好好完成手頭上的多項工作，卻發現自己根本分身不下，能力和時間都完全不夠用⋯⋯
即睇Yan分享：（按圖了解）
-我哋team只有3個人，但每個人同時負責緊4至5個project，而每個project嘅工作量都好大，又要做前期、又要拍攝、然後參與後製。
-每個project都有唔同主題，要諗內容都要時間，唔係話有就有，但最近marketing同事仲話要我哋幫手做客嘅片⋯⋯
-唔計我手頭上嘅project全部都係就嚟deadline，我覺得幫手拍唔係問題，只係佢要下兩個星期就出街！
-之後仲點名話畀我試吓。「試吓」？呢個字真係好令人反感。
-年尾都仲忙到隻狗咁⋯⋯應該係連狗都冇咁慘。
-最後都勉強畀咗個檔期佢，但拍完之後一定要即剪先趕得切出街日期。
-有時真係好灰心，因為自己想影片有質素，但公司就只重量不重質。
-我想做好每一件事，但時間根本就唔容許我喺每件事上花太多時間。
-本身我好開心可以參與到某啲project，但每次提起幹勁，公司只會覺得可以再喺員工身上榨取工作能力，然後加重工作量。
-人又唔肯請，只不停增加工作，年尾就嚟做到無命咁。
-佢哋一定會有報應！完成手頭上project，我就決定搵工！
要明白一個人的能力與時間
打工仔很大壓力，很多時來自於高估自己的能力。因為覺得拒絕上級指派的工作，就等於說明自己很不濟，所以為了完成被指派的各種任務，就不停加班工作，令自己的生活只有工作，無時無刻都在想工作的事，沒有休息和真正放假的時間。
但要知道，一個人的能力和時間都是有限的，要讓上司知道這一點，因為每當你答應做一個任務，管理層就只會覺得你能勝任更多任務，測試你的底線，直到你的壓力爆煲。
有時看到自己或身邊的同事，被重重的工作壓得喘不過氣來，由充滿幹勁，都只求一天簡單的假期地按章工作，真的很唏虛。公司是一個磨蝕心靈的地方。
所以，在幹勁被磨蝕殆盡之前，或許，要認真考慮這份工作適合自己與否。
延伸閱讀：【職場熱話】第四波疫情又急又勁 員工：竟然都唔WFH
延伸閱讀：【WFH】在家工作要交報告、每日視像上司 打工仔：寧願返公司……
【兩性關係】人工全上繳老婆每日得$50零用 丈夫狂呻：放工連舅仔底褲都要我洗！
【行業術語】返工最怕遇到「油雞」同「稀客」？10個地產代理常用術語
【職場貼士】8招溝通技巧 令你成為別人心中的好同事
【面試技巧】見工時「離職原因」要點答？即學4招幫你加分