comScoreTag
FancyBox
FancyBox

轉工跳槽

【跳槽召集】4大防甩轆自問自答


CTgoodjobs編輯部



搵工, 面試, 求職, 見工, HR, interview

而槽,不是話跳就跳的,事前須作長遠打量,否則火坑跳火坑。

搵工跳槽旺季殺到!有調查指,近40%打工仔有意轉工,人力資源顧問預料,3月中更勢將爆發劈炮跳槽潮(詳情按此)。而槽,不是話跳就跳的,事前須作長遠打量,否則火坑跳火坑,只會勞民傷財。為免賠了夫人又折兵,求職者和打工仔須慎防甩轆,搵工跳槽前不妨自問自答自我評估;反正面試時HR一定問。

4大自問自答
自問1:「長做?定騎牛搵馬?」
2句講晒︰長做,就要有遠見,為了未來廣闊的森林,今日賺少2個錢亦算合乎成本效益;一心騎牛搵馬的話,為走而走,一於著草。

再諗真啲:要長做長有,建議求職者和打工仔針對新工作的成長空間及發展潛力,做好個人定位,並訂立相關的工作目標與期望。特別一提,做人總不能成世騎牛搵馬,早日踏踏實實搵份好工,畀心機做吧。

自問2:「人工開價幾多?」
追夢亦要食得飽。求職者要在面試時保持絕對的議價優勢,須緊貼身價行情,量力而為,知所進退。(即check身價,按此

再諗真啲:為免被迫「硬食」HR的無理壓價,求職者務必訂立明確底線,實戰時自能運籌帷幄。更多關於《【咪制!】搵工、傾人工 5大「蝕章」》,按此

自問3:「新工嘅工作時間理唔理想?」
搵工跳槽前,請搞清楚到底追求怎樣的生活模式——想返朝9晚6求安定?定係鍾意輪班玩即興?

再諗真啲:工時直接影響打工仔的日常生活,以至人生滿意度。求職者應全面考慮家庭、事業、愛情等各方面的重要性,權衡輕重,揀一份最平衡的工作。

自問4:「我Ready返新工未?」
求職者即使有著一顆「想瘋狂返新工」的澎湃的心,兼好肯定自己今次唔會上錯賊船;臨接Offer跳槽前,亦須確保自己「有心有力」,能夠應付新崗位的職責和任務。

再諗真啲:凡事無完美。手上已有Offer的成功跳槽者,期待新工的同時,亦切忌過分自high,目中無人得罪現任老細和同事,記住山水有相逢;至於未有Offer的,亦要做好目前的工作,自我增值,保持信心,蓄勢待發。

延伸閱讀︰
-【搵工懶人包】100款CV即時下載

-【面試加分】4大必cher細節位

-【面試問題】10大「O嘴」怪問錄

-【燶爆】HR揭求職者18怪

- 搵工面試妙答(11)︰點解想做份工?

上載日期︰2015年3月4日


讚好 CTgoodjobs 專頁,獲取更多求職資訊!

以上文章由www.CTgoodjobs.hk編寫,文章版權屬CTgoodjobs所有。任何人士或機構如欲刊登有關文章於其他網站或刊物,都必須要以書面方式獲得批准,詳細情形請電郵至editor@CTgoodjobs.hk查詢。CTgoodjobs對一切侵犯版權行為保留追究權。

Free Subscription

Email