comScoreTag
FancyBox
FancyBox

Workplace Gossip

跳火坑變跳火圈


董德少



火坑, 同事, 上司, 老闆, 跳槽, 90後

circus quit job
「火圈」,就是娛樂勝於一切,將他人的快樂建築在自己痛苦之上。

「德少,點先可以逃離火坑?」舊同事U好意思來求救。U和我由「同事」過氣成為「舊同事」,才不夠3個月。換句話說,有人轉新工連試用期還未過,就急不及待要申冤上錯賊船。

「Dear Sir,你會唔會有點兒那個呢?我仍然身陷你嘅舊火坑,Sir你竟然不知廉恥走嚟問點跳出新火坑?」我面部肌肉不由自主地戚戚復戚戚。

事實上,小弟並不盡認為自己正處於「火坑」之中,不然要跳槽的就是我而不只是U。不過我由衷希望他明白,自己其實身在福中不知福。江湖中太多身不由己的膠人膠事,有幾多人連搵份想轉的工的資格都沒有。

「Sor囉……但呢度真係好難頂,老闆難服侍都算喇……」U還未說完,我搶白︰「咪係囉,啲同事又隻隻奇珍異獸,上司無料到又爭住做指揮、啲細嘅又典型90後上身,3句唔埋2句就黑晒口面埋怨呢樣唔公平、嗰樣唔公道……」他流露出覓得知音的祥和氣息,心照不宣地連忙點頭。

我擺出一派神機妙算的姿態︰「果然不出我所料。」U再點頭。

「3個月前你喺我呢個舊火坑,咪就係投訴呢啲囉。」畢竟老闆難頂、上司無料、班細唔聽話,堪稱「劈炮3兄弟」,放諸四海皆準。打工仔呻來呻去,總離不開這些鐵膽。「人地藥箱都變首飾箱,至於閣下,就跳火坑跳到跳火圈咁款。」

「跳咩火圈呀?!」U不是不心虛的,老羞成怒,不耐煩起來。

所謂「火坑」,應該跳過就過關,即使外在環境沒有因而變得更適合生存,至少人變得愈來愈堅強;至於「火圈」,就是娛樂勝於一切,將他人的快樂建築在自己痛苦之上;跳下去,為的不過是三餐溫飽,停留在食色性也的基本物質層次,活像馬戲團裡的獅子老虎。

這亦解釋到,辦公室裡何以無可奈何地充斥「珍禽異獸」、「獅子老虎」。

我只能說︰「咩係跳火圈?你最好真係唔明喇。」

延伸閱讀︰
- 有AO,真係唔做?

- 打工仔的斬纜權

- 劈炮前必經的混沌狀態

- 【實地直擊】21世紀Intern

- 「扮辭職」的最後通牒

上載日期︰2014年8月25日

讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email