【轉工跳槽】每年轉一次工好jumpy?工程界師兄5年內人工翻倍 網民力讚做得好

很多打工仔都怕轉工太頻密會被僱主嫌棄,影響求職的成功率。亦有人認為「魚唔過塘唔肥」,藉轉工以提升待遇及職銜,實屬人之常情。最近有從事工程行業的網民,在討論區以「每年轉一次工算唔算癲」為題開Post,分享過去5年的薪酬變化,引起網民熱烈討論。

延伸閱讀:【網絡熱話】打工仔發現新同事人工高一截 大呻心理不平衡 網民:你有料咪轉工

按圖了解打工仔每年轉工的薪酬變化:

工程界師兄:「畢業之後做工程行業做咗5年,每年轉一次工,轉咗5份了。一份難頂過一份,都唔知幾時先可以定到落嚟。第一份人工只有12k,之後第2份工本身係18k。但因為單project 做到一半我話走,佢先加到去25k。呢份工老細睇得起我又好待遇,但因為hea到悶,無嘢學,所以裸辭了。裸辭後好耐都搵唔到工,結果被新公司壓價減3000蚊,22k照做。第四份工26k,而家份工搵28k,每年轉一次工算唔算癲?」

網民點睇?
網民A:你先係聰明人,頭幾年唔跳密啲人工唔會加,因為基本所有entry level嘅工都係underpaid。
網民B:同我差不多情況,我5年轉咗4份工,每轉一份加2000至3000蚊人工。
網民C:如果越轉待遇越好,title越高級,就真係唔怕轉。但次次轉工都係同一層,待遇又唔係差好多就無謂。
網民D:巴打好佩服你,我好驚轉工,因為怕interview,英文太廢了……
網民E:咁轉法仲有人請你就無問題啦,你肯定係見工達人,氹到個HR咁開心。
網民F:正所謂魚唔過塘唔肥,如果你無轉過工,而家人工可能得18k。
網民G:我嗰時畢業第一份工得16k,一年內轉咗4份工,人工升到31k。
網民H:我覺得不停去新環境好難頂,又要去熟另一班人好麻煩,同埋好怕HR問我做咩成日轉工。
網民I:好多人怕轉太多工好jumpy,其實junior post有咩所謂,到你之後揀定一條路先穩定做落去啦!
每次轉工都意味著要準備好CV去面試,大部分人只會臨急抱佛腳地砌靚履歷表,看看有沒有可新增的亮點。事實上,更新CV是一個定期要做的工作。每個打工仔應該定時檢視CV,看看有沒有增減之處,為未來做好準備。

按圖了解5個Update履歷表的最佳時間:

 

延伸閱讀:【職場貼士】公司面臨倒閉有先兆?7個要盡快轉工的警號

延伸閱讀:【職涯抉擇】畢業從未轉工VS每三年轉工一次 打工仔會點揀?

延伸閱讀:【轉工跳槽】點先搵到一個值得你信任嘅僱主? 要留意呢五個方面


【最新調查】《CTHR 2021年畢業生薪金及就業調查》結果出爐!立即下載調查報告!

 
Look out for further updates on our Facebook fan page!