comScoreTag
FancyBox
FancyBox

轉工跳槽

【轉工轉行】5大笨蛋火坑跳火坑


CTgoodjobs編輯部



美國財經雜誌《福布斯》一項研究指,長遠來說,一世「做死」一份工的打工仔,隨時較每2年轉一次工的人少賺50%。早前亦有機構調查訪問逾800名零售及服務行業僱員,發現當中47%人打算辭職轉工,半數90後受訪者亦有此計劃。任何時候都是轉工轉行的最佳時機嗎?

如果求職者有以下任何一個「真是大笨蛋」想法,所謂的「跳槽」,極可能是從一個火坑跳往另一個火坑的過程,而已。

笨蛋1:為轉而轉
天真豬心諗:
「唉!呢行真係無發展,做落去都無前途,都係早走早著。」

醒下啦!搵工轉行目標一定要清晰,切忌將轉工理想化,以為劈炮就可以「甩難」。見新工時,HR 99.99%會問及辭職原因,難道要答「想轉工囉」嗎?建議求職者行動前先做足資料搜集,三思而後行。

笨蛋2:盲目跟風
天真豬心諗:
「係人都話要考AO/ EO做政府工,嚟 緊9月有招聘,我唔去考咪好執輸?」

醒下啦! 工,沒所謂熱門、冷門,只有適合不適合。況且,即使走在時代「尖啄」,贏得他人眼中的「絕世筍工」,自己卻毫無滿足感可言,值得嗎?再況且,愈多人in的工,in得成的機會愈低,以考AO為例,分分鐘500人爭1個位,若非真心想做,咪玩啦。

笨蛋3:班Friends都做
天真豬心諗:
「成日係facebook見啲空姐空少friends四圍飛,1個月走幾轉倫敦、巴黎,搞到我都心郁郁想轉行。」

醒下啦!凡事有辣有唔辣,大家有苦自己知。與其葡萄人家份工有幾筍,又相識滿天下,不如善用人際網絡,乘機向朋友、舊同學、家人等索料,了解不同行業的背景與實況,從長計議。

笨蛋4:$$大過天
天真豬心諗:
「理得佢啱唔啱做,總之而家建造業好搵,起薪$1.7萬,幾歹都做!」

醒下啦!打工為搵食,想賺多兩個錢天經地義,不過亦要衡量自己的能力、興趣、以及發展空間;更要忠於自己,世上最窮的處境,莫過於窮得只剩下金錢。

笨蛋5:咩都好容易
天真豬心諗:
當孱弱書生以為搭棚好容易;學生以為老師教書好爽;編輯以為sales跑數好簡單;侍應以為courier送幾件貨無難度;OL以為沖奶茶係Easy job;打工仔以為做老闆一定無氣受......

醒下啦!唔辛苦點得世間財。任何工作都有箇中專業成分,不是識寫字就可以當作家、會發音就可以做歌星。如果甚麼都好容易,何以不見閣下做好目前份工?若一味以輕蔑的態度看待他人的工作,而不懂尊重、欣賞、感恩,那麼,就算今次跳槽成功,好快又再次轉工。

「低B,邊有人會咁諗?」如果閣下讀畢全文有此疑問,恭喜你,歡迎隨時騎牛搵馬,尋找心目中的理想筍工。


讚好 CTgoodjobs 專頁,獲取更多求職資訊!

Free Subscription

Email