辦公室︰最期待的對白出現鳥

你非即時覆我不行，不然就是不負責任，若非人頭豬腦，就必定是「你隻豬竟然好意思扮人」。

「恕我冒昧，想問一下︰如果我Whatsapp要求加人工50%，你睇完變雙藍剔，係咪等如應承先？」上星期Whatsapp雙藍剔新功能出台，我冒死問老闆。老闆自然見慣風浪，有一句沒一句答︰「Whatsapp字咁細，我睇唔到。」（先旨聲明︰不是所有老闆都有這種胸襟，各位打工仔仿傚前敬請「因材施壓」。）

我最期待的對白出現了。「咁我傳令落去，Whatspp非官方認可溝通模式，本公司恕不接受Whatsapp作為呈堂證供。」

有報道指，上司熱衷於透過Whatsapp指手劃腳，全天候遙距指揮下屬同事做呢做路，令同事壓力指數爆燈，疲於奔命。事實上，據小弟職場打滾多年，並不見得所有上司都這麼熱愛工作——上司（老闆例外）都是人，都喜歡放假；而更多時候，「啲嘢搞得掂，真係唔好搞我」更是不少上位者的座右銘。（詳情按此）

最近美國Northern Illinois University心理學助理教授Larissa Barber博士提出「Telepressure」現象。所指的是愈來愈多打工仔天昏地暗式查閱電郵，52%美國打工仔無論返工前，還是放工後，都會檢查與工作有關的電郵。而Telepressure指數愈高的人，睡眠質素愈差、愈易Burnout，亦愈多Sick leave；建議打工仔及早與公司協議妥善溝通模式，以免情況惡化。

將研究結果套用到Whatsapp上亦無不可，事關今時今日香港，我們連Email都嫌慢，非要「即時逮捕」不可。

「德少，係咪真架？」同事Y擺出一副難以置信的驚喜表情。

「真。」我肯定地點點頭。歡呼聲隨之此起彼落，猶如皇帝特赦天下。「所以，」我奸笑了一下，繼續︰「你地唔好再Whatsapp嚟請假、延死線，甚至辭職。」大家心虛散水。

我等這天很久了。人呀人，總是雙重標準，有意或無意地對擔演施虐者的戲碼樂此不疲——你非即時覆我不行，不然就是不負責任、無交帶，若非人頭豬腦，就必定是「你隻豬竟然好意思扮人」；而當被要求即覆時，立即擺出一張受害者的哭喪臉。

人在辦公室，畢竟公事公辦，凡事三口六面講清楚好。

延伸閱讀︰
- 盲跟上司的代價

- 「求職」，邊個求邊個？

- 打工仔的30歲前後

- 【4點鐘許Sir】教精打工仔7件事

- 給恨考政府工的A

上載日期︰2014年11月10日