comScoreTag
FancyBox
FancyBox

人際八卦

辦公室,有沒有朋友?


董德少



got friends in workplace
辦公室裡的所謂「朋友」,與我們一直理解的「朋友」不盡相同。

「佢人格分裂架!明明上次讚我個Project度得好,轉個頭竟然喺F面前踩到我地底泥都不如。」同事新妹S著了火般衝入我房,門也不關就「爆大鑊」。「你閂埋道門先。」我輕輕「殊」了她一下。

所謂的「爆大鑊」,並非指S披露了甚麼機密,反正辦公室內有人人格分裂,見人講人話,見鬼講鬼話都是公開的現象。「唔係唔畀你呻,但阿妹,呻要呻得醒目啲。」看著眼前的新妹S,就像與10年前的自己打了個照面。

「咩啫,爆佢大鑊囉!係丫嘛,前言不對後語都算,覺得個flow有問題咪同我講囉,佢叫到我無得唔改架,但點都唔會係同F講囉!」S的純品,令我覺得如果說同情她的話,簡直是天大的侮辱。強者從來不稀罕他人的同情。其實我反而欣賞她這團火。

「唔好咁激動先,你諗清楚,佢有無喺你面前批評過F啲咩?」我明知故問。

S發現新大陸般,「有呀有呀……上次……」她欲言又止。

「內容你唔使勉強講喇,來來去去都係嗰啲。不過我想你知道,呢啲事總係會發生嘅。而大家都知道你同F比較傾得埋,呢種事更加一定一定會不斷發生,而且只會愈來愈嚴重,直至……」我說。

「直至咩?」

「直至你地反面囉。」我試探式口吻。

「唔會!為咗啲無謂人,朋友都無得做,我唔會,F都唔會。」S發揮強者本色。

我深感欣慰,不過為了不讓S走大多歪路,我繼續扮試探︰「你肯定F都當你係朋友?辦公室裡面所謂嘅『朋友』,同我地一直所理解嘅『朋友』係唔同架喎。呢一點你清唔清楚?」人民團結,對統治者來說,大概是一場災難。

「我信F,就好似信你一樣。」

強者,不必永遠無敵或不曾被擊倒過;而是那些有堅定信念,無論在任何情況下,都分辨得出甚麼可以相信,而且擁有去相信的勇氣的人。

延伸閱讀︰
- 客戶不比茶水阿姐尊貴

- 牆頭草Everywhere

- 詐型有鬼用!

- 「正義之鬧」與「為鬧而鬧」

- 揭「鱷魚頭老襯底」真面目

上載日期︰2013年12月16日


讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email