comScoreTag
FancyBox
FancyBox

Quitting a Job

【辭職分手】遞信時應有的對白





「我今朝遞咗信。」食飯時,同事Y突然吐出一句。

「發生咩事?」同事Y平日事事辦妥,人人看好他在今年內有機會升職。說辭就辭,比事業發展如日中天的女星說要嫁人來得更突然。

「我辭職但被拒絕,之後仲畀人訓示一大輪。」往後的內容大概圍繞老細如何說明80、90後的抗壓力低 、自我中心、唔捱得bla bla bla。

現世代沒有人打死一份工,但不代表個個都懂辭職。講完辭職後,你會如何回應老細3大反應?

1. 留才攻勢
- 「你有咩要求即管開聲,人工方面我地可以再商量下。」
- 「你辭職對公司係一大損失,話晒條Team你都跟咗咁耐。」
- 「與其裸辭手停口停,不如留多兩個月邊做邊搵啦!」

應對法︰不論老細真心定假意,這種情況是最難收拾的。面對以上攻勢,記緊要要將「辭職」話題拉回重心,並禮貌地表示謝意(多謝老細又好,多謝有糧出也好),最後再重申自己的決定。如非必要,切勿向老細透露自己的去向,免得夜長夢多。

例︰「好多謝你對我嘅信任,但我認為而家係一個合適嘅時機畀自己出去闖下,所以未來一個月我希望可以做好交接工作。」

2. 訓示無極限
- 「都話而家啲後生唔捱得架啦。」
- 「公司對你不薄,點解你係呢個時候咁不負責任?」
- 「係咪搵到新工?其實呢行轉去邊都一樣,出面未必好過我地。」

應對法︰當老細有這樣反應時,有機會他已經知道你的去向。不論是自己唔小心洩漏風聲,還是被公司「老死」出賣,都要沉住氣。要知道如果轉工非轉行,得罪前老細是無好處的;即使轉行甚至唔再打工,也犯不著與全世界反面。

例︰「多謝你關心!其實我考慮得好清楚,希望你會尊重我嘅決定。」

3. 玄機處處的祝福
- 「辛苦晒你,記住要飲水思源。」
- 「大公司咪又係不外如是,都係我睇佢好,佢睇我好嗜。祝你好運!」
- 「將來想返嚟幫手,我隨時歡迎。」

應對法︰作為最後祝福,就不會理會呢句說話究竟有無骨,只要用一句起兩句止的好話回應,找到大家的下台階,好聚好散就可以了。

例︰「多謝晒!我都希望公司以後有更好嘅發展,生意蒸蒸日上。」

總之,辭職與分手一樣︰以和平為大前提。畢竟,地球是圓的。


讚好 CTgoodjobs 專頁,獲取更多求職資訊!

Free Subscription

Email