2020-01-06
自從WhatsApp群組大行其道，工作群組愈開愈多，有Team Group、部門Group、公司Group，還有七嘴八舌的小圈子Group……變相在非工作時間，亦要「應酬」各部門同事。日前甚至爆出「以OK Emoji回覆上司慘被解僱」的新聞後，WhatsApp群組的話語禮儀已變成一大學問。至於離職後應如何處理大量工作相關的群組？應自己退Group，還是等Admin踼走自己？網民各有不同看法。
【辭職學問】遞信後應做4件事 網民批呢個行為不智
Last Day自動退出
對於退出WhatsApp群組一事，網民爭相回應，絕大部分直指這些工作群組「走都走唔切」，可見一眾打工仔對於各類群組甚感厭惡：「自己退出，費事再煩」、「自己退出型D，比人踢走無Face」、「唔撈仲留戀個群組為乜？期望個個話唔捨得你？定個個話無咗你啲嘢做唔掂？」、「公司唔Del，自己都退出啦！重要第一時間！」有打工仔更揚言一離職應以最快速度離開群組：「9秒9退出，其實人不在其位就要徹底離開，好正常。」
尚未離職已不耐煩
更有人指出，工作群組實屬「多餘」，時時刻刻都想退出：「未離職都已經想退出，成日Send埋啲垃圾訊息出嚟」、「做緊都已經想退，何況離職」。可見不少打工仔「被迫」加入的工作群組內，並非每個訊息都與工作有關，令人深感懊惱。有打工仔更分享見過最「急不及待」退出的同事：「我公司個個都係自己退谷。有個仲搞笑，6:00放工，6:02退谷（Group）。」
【辭職學問】領完年終即提離職好尷尬？教你3個遞信好時機
遞信當日即退
有網民指，不少工作群組的用途只是讓各位員工報到上班或落班，由於人數眾多，又不會有其他訊息往來，所以公司未必會主動把同事「踼走」。有人選擇在安排好出糧事宜便立即退出，亦有人「講完門面嘢就自己退出」，更有人不願等到最後上班日，早於遞信當天便退出：「辭職當日就自己退出，唔會等到離職後」。
Look out for further updates on our Facebook fan page!
【奇怪面試經歷】見工HR查家宅 一個問題被嚇窒 打工仔︰我以為In卧底
【求職攻略】未面試已被扣分？5大求職者常犯的錯！
【新年職場】想升職加薪但冇你份？ 除咗辭職 可以用5個方法自處
【金融專訪】iBanker比較香港內地倫敦新加坡工作文化 入行由滴酒不沾練成千杯不醉