comScoreTag
FancyBox
FancyBox

Job Market Gossip


Job Market Gossip

論盡辦公室八卦,同一眾打工仔秒殺公司內人情世故、蜚短流長,做個稱職 career man / career woman。宗旨︰懂得做事,亦要懂得做人。


返唔同區有差異 中環人有潛規則?




正所謂「隔離飯香」,打工仔之間少不免會互相比較人工、待遇、工作環境等,硬是覺得對家份工更吸引。網上討論區就有不少網民大讚中環為上班勝地,賦予其無限光環。同時間更有在工廠區上班的網民大呻:「工廠區返工感覺好頹廢,咩都低人一等!」到底中環的上班一族又係咪如傳聞般幸福?


工廠區中環返工大不同
網民就有這樣的描述:「中環係香港經濟重地,人才雲集,專業人士多,人工相對較高。而且公司大多是跨國企業,出差機會多,交遊廣闊。中環人出入甲級寫字樓,同高級商場;相比之下,觀唐區返工路窄人多,烏煙瘴氣!」但是在中環上班的網民卻體會到另一番景象:「其實好多返銀行Back Office都只得萬幾一個月,而且食野又貴,望落光鮮其實餐餐捱麵包!個個西裝友返工都黑口黑面,好似返刑場咁!」反之:「工廠區食野又平,同事關係又親密。」兩區條件各見優劣,但是網上亦有其他網民揭示中環人鮮為人知的一面。

衣著光鮮下的潛規則 中環人說話裝模作樣?
該網民指大家一直以為中環人冠冕堂皇,他認為:「中環人都係勢利一族,連講嘢都會裝模作樣。」他指,中環人交談時是十分婉轉且有不少禁忌與潛規則。例如如果想知道對方是否可以跟自己交個朋友,他們會用收入去衡量。但是如果直接問對方收入是十分無禮貌,所以便常會出現以下的潛在對話︰

對話一
A:你喺邊頭返工?
B:我喺Landmark嗰邊。
A:我都係喎!今晚去飲杯野啦!

對話二
A:你喺邊頭番工?
B:我喺灣仔返工。
A:灣仔邊度?中環廣場嗰邊?
B:唔係!修頓球場附近,XXX大廈,舊樓嚟。
A:哦!我要走先,趕時間,下次傾!

他更指:「有啲人同你握手嗰下,佢哋望住你隻手錶,就知你咩行頭!」「所以喺中環返工買名牌裝大頭好常見。其實對啲Office Boy嚟講,搵埋都唔夠食!」

當然,一個地區有著各式各樣的人,突顯著自己的文化價值。然而,選擇自己最舒服的環境工作才是至為重要。
讚好 CTgoodjobs 專頁,獲取更多求職資訊!

Free Subscription

Email