comScoreTag
FancyBox
FancyBox

Workplace Gossip

返屋企食飯


賈心潔



family
返屋企跟屋企人食飯,平凡不過,但每一次都在倒數,直接一點說,是「買少見少」。

「今晚有咩節目?」朋友K失驚無神Whatsapp來。有,我答。「做咩?」返屋企食飯。「車!即係無啦~ 我同你食。」

K這個人,沒甚麼優點,好就好在夠簡單,跟他在一起,雖沒可能獲得任何「經濟得益」,但至少不必擔心被謀算甚麼(當然,小妹亦沒甚麼可以被謀算)。然而,單細胞亦是他最大的缺點——都話咗「返屋企食飯」,甚麼叫「即係無啦」?又甚麼叫做「我同你食」?明明是你約我,幹嘛卻擺出一副救世主的姿態?

「返屋企食……咪即係無節目囉。有節目,就唔使返屋企啦。」單細胞K還在懶醒,反而更進一步暴露他的智慧水平。

「總之我唔得閒應酬你喇。」我沒好氣,係咁先。

想深一層,其實我是不應該怪K的。反正香港大部分人都將「返屋企食飯 = 無節目」列入常識範疇,談不上智不智慧。但問題在於,為甚麼不可以重視一下「返屋企食飯」這一項活動。對我來說,只有當屋企無飯食,才會去搲節目。

返屋企跟屋企人食飯,平凡不過,但每一次都在倒數,直接一點說,是「買少見少」。我們不會知道還有幾多個「下次」,甚至……到底還有沒有下次。

大概,因為「屋企人」就在身邊,而且似乎會一直在,無論被放幾多次飛機都不會跑掉(根本就跑不掉),所以往往被陳封在更次要的位置,1變2、2變4、4變16……咪住先,我們誰不是出盡九牛二虎之力追求一生一世?明明已經有,卻反而一味掟落坑渠?

是的,我不應該怪K的。況且,K畢竟是少數值得被認定「走唔甩」的朋友。「不如你上嚟我屋企食啦。我叫媽咪煮重你米 ^^」我回覆。

延伸閱讀︰
- 班人有無咁難約?

- 考試,毛一條而已

- 愛我別留言

- 咪「老點」我!

- 不如食自己

上載日期︰2014年5月2日


讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email