【阿正專訪】903「痴女」DJ 一個人去影婚紗相?!

【阿正專訪】903「痴女」DJ 一個人去影婚紗相?!
撰文︰陳嘉儀



雖然不知「聽電台」對不乏娛樂的年輕一輩來說還是否流行,但相信當年有追聽過電台的人一定會明白放學後邊做功課邊大笑,又或是深夜在被竇忍笑的那種滋味。今次專訪的對象阿正(黃正宜)正正就是電台的「狂熱份子」,過往這些「最好的時光」亦令她立志要成為DJ,於大氣電波中散播歡樂。

聽眾變主持 阿正:Dramatic過電視
小時候寫「我的志願」,長大後十有八九都不了了之,能夠從一而終堅持到最後的人又有多少個?阿正加入商台前其實曾於另一間電台擔任節目主持,但工作了一年多電台就倒閉了,可以再做DJ連她自己亦驚嘆:「Dramatic過『大台』啲電視劇啊!」

可以加入商台,阿正自己就覺得「Dramatic」過電視劇。(攝:陳嘉儀)

離開電台後,阿正去到Production House工作,但工作的無聊程度實在令這位「天生工作狂」禁不住裸辭,再次回到曾經工作過好幾年的Coffee Shop擔任兼職咖啡師。當阿正一心以為再沒機會返回電台工作時,劇情卻來了一個大逆轉:「有一日收工行到中環一條馬路,就撞到我依家嘅節目監製急急子(商台DJ),原來佢喺我喺上一間電台做嗰時已經開始留意我,就係咁傾咗陣,去到最後佢就叫我Send Demo去商台試下 。」之後的劇情發展,就如大家現在所「聽」一樣,阿正成為了商台節目「一位呀唔該」及「早!Junior」的節目主持,更寫有廣播劇「痴女正傳」,又再開始每日「開咪」。

由一個人的情人節晚餐 到一個人的婚紗相
「我朋友話『妳成日都咁毒㗎啦,不如妳試下一個人去食情人節晚餐?』之後我就好即興咁喺嗰日開咗個Page,開Live影住自己一個人食情人節晚餐。」因為某年情人節被結他老師「放飛機」,阿正便開始了「一位呀唔該」這個Project,更試過一個人玩「Trick or Treat」、一個人倒數、一個人影貼紙相.......

每個人都總有獨處的時候,學會享受屬於自己的「Me Time」,沒有另一半其實亦不一定寂寞。(相片由受訪者提供)

最初阿正純粹想以一個單身者的身份挑戰情侶才會做的事,但後來就慢慢認為其實這個專頁不止是討論單身與否這般簡單。每個人都總有獨處的時候,學會享受屬於自己的「Me Time」,沒有另一半其實亦不一定寂寞。至於最近單人匹馬拍攝婚紗相,其實是因為早前阿正曾在訪問中提及過想在節目最後一集挑戰影婚紗相,最後果真有婚紗店「搵上門」,令她的「人生大事」提早進行(阿正再三強調:個節目未完㗎!),她笑言:「只要你夠膽做真係咩都做得出,人無恥便無敵 !」可能於別人眼中阿正這些「痴女」行為又「毒」又瘋狂,但筆者就覺得她是「別人笑我太瘋癲,我笑他人看不穿」的表表者,如果少許無傷大雅的放肆,可以令自己活得更有樂趣又有何不可?

提早完成「人生大事」,一個人影婚紗相。(相片由受訪者提供)

電台工作一定好玩? 27歲無成績就放棄?
「我諗好多人入嚟(電台)嘅時候都抱有好大嘅幻想,電台一定係充滿住歡樂,每分每秒大家講嘢都好好笑,但其實如果你行入嚟我哋Office睇睇,每個人都係好辛苦咁做緊嘢。」做DJ不能「齋Talk」,更多時是需要創作,除了每星期腦袋都要被「搾乾」一遍寫廣播劇,阿正認為作為DJ就要「抵得鬧」,面對來自前輩或聽眾的負面聲音,只有兩條路走:一是「繼續」;二是「放棄」。

而其中一個令阿正選擇堅持留在電台奮鬥的原因,原來她於初初加入商台時,曾經向爸爸說過這樣的一番話:「如果我到咗27歲都無出息嘅話就放棄,無咩成績就轉行。」然而爸爸卻語重心長的反問:「既然妳鍾意呢份工,妳覺得自己適合做嘅話點解要定喺27歲呢?點解無成績就要放棄?點解唔繼續呢?」就這樣被父親的一席話一言驚醒,阿正才發覺其實無論任何年齡,只要喜歡便應該堅持。
Look out for further updates on our Facebook fan page!

Related Articles

More