comScoreTag
FancyBox
FancyBox

Workplace Gossip

離開,沒想像中困難


賈心潔



to leave or not
畢竟,搵工同搵老公,有不少相似性。

「潔,你唔明架啦……」朋友K欲語還休。對對對,我最不明白的是,選擇不去做自己不想做的事,有無咁難呀?

K有一個拍了1x年拖的男朋友。「拖」這東西,一旦拍得久了,一般以感情維繫,能夠長時間以同樣濃度的愛熱熱烈烈地愛著同一個人的例子,未必沒有,畢竟少之又少。而K,自然就屬於「多數」。其實,不是「分手」,就是「hea下去」。

一如大多數人,K在決定「分手」一刻,就轉軚想要「hea下去」;明明選擇了「hea下去」,卻一直想著分手。

分手囉。「唉,你唔明架喇,我都想,但邊有咁易丫……」咁你做啲嘢去維繫啦。「唉,你唔明架喇,我都想,但邊有咁易丫……」K每次都分明hea我。我很糾結,你明知我唔明重成日走嚟同我講?

有心理學研究發現,分手沒有想像中難過。負責研究的研究員表示,大部分人在分手後,情緒實際的失落及壓力指數,明顯比想像或預期中輕微——尤其是對於以為愛得很深的人來說。

說穿了,都是拖泥帶水惹的禍。To be or not to be?去,還是留?愛,與不愛?做,定係唔做?明明斬釘截鐵,卻偏偏誘發萬縷千絲的糾纏。

「做想做嘅事開心啲?定係唔做唔想做嘅事開心啲?」我突然把口快過個腦,吐出一句。我沾沾自喜自己能夠說出一句這麼有深度的話。

「其實你都轉過幾份工,無理由重係唔明。」從K的眼神,我知道他果然唔明,繼續︰「搵工先係唯一出路。與其日日嘥時間做啲自己唔想做嘅工,不如的起心肝搵啲想做嘅嘢做。雖然想做又會變成唔想做,但至少做過想做嘅,一陣子都好。」

K若有所得,希望他真的明白。畢竟,搵工同搵老公,有不少相似性。「潔,咁你覺得邊樣開心啲?」他問。

開心,有得比較嗎?啊,我「想做嘅事」,其實包括「唔做唔想做嘅事」。

延伸閱讀︰
- 車!你理得我喎

- 如果不准po上facebook,還做不做?

- EX的現任

- 【寂寞是】一起……獨處

- 【膠論】幫女人挽手袋的男人

上載日期︰2014年8月8日


讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email